Ditën e sotme opozita përkatësosht Partia Demokratike dhe Partia e Lirisë po zhvillojnë një protestë kundër qeverisë përpara kryeministrisë.
Qytetarë të shumtë janë grumbulluar me pankarta në duar për të shprehur pakënaqësitë ndaj qeverisjes së vendit gjatë këtyre nëntë viteve.
Ndërkohë një prej pankartave që ka bërë përshtypje ka qenë me mbishkrimin “E di kush i mbyll kopshtet?”. Pankarta mbahet nga prindërit e fëmijëve të kopshtit “Zubeyde Hanim”.
Kujtojmë se pak kohë qeveria vendosi mbylljen e kopshtit “Zubeyde Hanim” të “Turgut Ozal”, pa dhënë ndonjë argumentim të detajuar.
“Mafia Soros non grata! Të ndalojmë axhendën e shpopullimit të Shqipërisë”, është pankarta që mban në dorë një tjeter protestues.
Ndërsa në disa të tjera në formën e karikaturave shfaqet kryeministri Edi Rama, ndërsa me ironi shkruhet: “Faleminderit që na Qite në dritë”.
View this post on Instagram
Ndërkohë që mbështetësit e opozitës kanë filluar grumbullimet, teksa protesta u parashikua të niste në orën 16:00. Nga ana tjetër policia ka marrë masat për mbarëvajtjen e kësaj proteste. Një kordon i policisë është vendosur rreth kryeministrisë, ndërsa, Forcat e Ndërhyrjes së Shpejtë janë bërë gati në disa pika pranë Kryeministrisë.
Bëhet me dije se rreth 1000 mijë punonjës të policisë së shtetit do të jenë në terren për mbarëvajtjen e protestës që nisi në orën 16:00.
Forcat e policisë janë pajisur edhe me kundra gaz, ndërsa në gatishmëri do të qëndrojnë edhe autobotët me ujë për të shpërndare protestuesit nëse do të këtë akte dhune. Në terren do të përfshihen edhe agjentët civilë, për të monitoruar personat problematikë që do të tentojnë të cënojnë sigurinë publike.
Skenari thuhet të jetë i ngjashëm me atë të 7 korrikut, ku disa persona do të mbajnë fjalën bashkë me ish-kryeministrin Sali Berisha në një podium.
Theksojmë se prej rreth një ore për shkak të protestës janë bllokuar disa rrugë në kryeqytet.
“Bulevardi “Dëshmorët e Kombit”
Sheshi “Nënë Tereza”
Rruga “Ismail Qemali”
Kryqëzimi i rrugës së Elbasanit me rrugën “Ibrahim Rugova”
Rruga “Papa Gjon Pali II”
Bulevardi “Zhan D’Ark”
Bulevardi “Bajram Curri”
Kryqëzimi i Rrugës së Elbasanit me rrugën “Ibrahim Rugova”.
