Nisja e ‘Prime-t’ ndodhi pak ndryshe nga herët e tjera në mbrëmjen e sotme.
Që në nisje të tij, moderatori Ledion Liço solli në kujtesë sulmin që ndodhi në ‘Top Channel’ si sot një vit më parë ku për pasojë humbi jetën roja i godinës, Pal Kola.
Pal Kola, ishte 60-vjeçari i pafajshëm i cili u vra në ambientet e ‘Top Channel’ nga një sulm i ndodhur në atë vend, ku ky lajm asokohe tronditi jo vetëm banorët e shtëpisë, stafin e ‘Top Channel’ por dhe një publik shumë më të gjerë.
Teksa sulmi i ndodhur vijon ende të jetë i pazbardhur, Ledion Liço ka uruar që ngjarje të tilla të mos ndodhin më dhe i rikujton familjarëve të të ndjerit, që do të jeni gjithmonë pranë tyre.
“Një vit më parë 40 minuta pas mesnate 25 plumba do të qëllonin mbi studiot e Top Channel. Plumba që do të merrnin jetën e rojes së godinës ballore, Pal Kolës dhe do të trondisnin stafin e Big Brother VIP që ishin të vetmit në atë orë të vonë në punë. Një ngjarje, e cila fatkeqësisht që është shumë e rëndë dhe e pazbardhur, një goditje e fjalës së lirë, televizionit të të gjithë shqiptarëve që informon, argëton dhe kulturon audiencat në çdo cep të globit.
Për njerëzit që janë pas kamerave, me një besim të patroshitur që vazhduan dhe vazhdojnë të sjellin programet që kaq shumë doni, lëvdoni dhe komentoni për stafin e Big Brother VIP dhe të Top Channel shkon kjo duartorkitje.
Uroj vërtetë që ngjarje të tilla të mos kemi më në këtë vend dhe natyrisht uroj që familjarët e Pal Kolës të ndjejnë dashurinë që ne dhuruam nga studio dhe që ne do të jemi gjithmonë pranë. Një viktimë që ishte krejt rastësore e një sulmi krejt të pakuptimtë që siç iu thash ende nuk është zbardhur.”– tha Ledion Liço.
