Cili është ai aksesor që i bashkon të gjitha femrat e famshme dhe fashionistat e Instagramit?
Shumë e thjeshtë: të gjitha kanë një pasion të madh për syzet e diellit!
Dihet se për t’u shpëtuar paparacëve apo për të mos u njohur në publik VIP-at përdorin gjithnjë syze, qoftë natë apo ditë.
Por nëse ka një aksesor, pa të cilit nuk bëjmë dot në verë, as ne dhe as të famshmet, të gjithë mendojmë se janë syzet e diellit.
Stina e gjuetisë së syzeve të diellit perfekte ka nisur, ndaj ne po ju sjellim sot disa prej modeleve të momentit që mund t’i keni edhe ju. Bazuar në syzet e të famshmeve shqiptare, këto janë modelet më “In” të sezonit:
Syzet Aviator
Syzet e para aviator u prodhuan nga “Ray-Ban” për pilotët luftarakë në Luftën e Dytë Botërore, të cilët kishin nevojë për syze që do të shmangnin rrezet e diellit. Sot e kësaj dite, ato janë modelet e preferuara nga fashionistat, veçanërisht ato që kanë një fytyrë ovale si Lori Hoxha apo Elvana Gjata.
“CatEye” (Syzet në formën e syrit të maces)
Syzet “Cat Eye” janë në trend që prej vitit 2013. Janë “IN” për çdo sezon dhe nuk ka ndërmend të largohet koha e tyre. Këto syze na kujtojnë daljen e filmave të parë të “Hollwood-it” me Marilyn Monroe, Audrey Hepburn etj. Besniket e këtij modeli në Shqipëri janë shumë, por ne po sjellim dy, Armina Mevlanin apo Sara Kolamin.
Syzet Matrix
Syzet “Matrix” janë kthyer në aksesorin e preferuar të fashionistave shqiptare. Të bëjnë të dukesh unike, pavarësisht se mund të kesh një veshje “casual”. Dhe çuditërisht shumë nga fashionistat shqiptare i kanë një palë të tilla dhe ju shkojnë tej mase. Modeli i syzeve i prezantuar fillimisht nga “Balenciaga”, na çon në vitin 1999 dhe na kujton filmin e njohur “Matrix”. Era Istrefi, Luana Vjollca dhe Elvana Gjata e kanë modelin e tyre të preferuar.
Stili Retro
Tendencat e viteve ’90 nuk po lihen dot pas në të kaluarën, pasi ka një numër të befasueshëm të aksesorëve të kësaj periudhe, si syzet që janë super në modë sot. Syzet e stilit Retro, renditen edhe sot e kësaj dite në listën e modeleve të preferuara për verën e 2018-s dhe blogerja Odeta Banushaj është prova e kësaj që po themi.
Syzet me ngjyrë
Ky aksesor është një tjetër trend i ardhur prej viteve ’90-të. Syzet me xhama me ngjyrë janë një zgjedhje e guximshme që u vunë re edhe në sfilata e modës të pranverë-verë në Milano. Aurela Hoxha dhe Liberta Spahiu i sjellin me shumë stil.
Syzet Rrumbullake
Për vajzat me tipare rrumbullake, syzet perfekte janë ato tipiket që përdornin pjesëtarët e grupit “Beatles”. Anxhelina Kotorri dhe Sarah Berisha janë fanset më të mëdha të syzeve në formë të rrumbullakët dhe i kombinojnë me shumë mjeshtëri.
