Një ngjarje tepër e rëndë ka tronditur qytetin e Lushnjes gjatë ditës së djeshme, pasi nipi përdhunoi dhe rrahu brutalisht gjyshen e tij.
Bëhet fjalë për një 36-vjeçar i quajtur Saimir Meçani, ndërsa gjyshja e tij është një 89-vjeçare me iniciale N.M.
Ka qenë djali i të moshuarës ai që e ka denoncuar ngjarjen për televizionin “Faxnews”. Ai është shprehur se në mbrëmje ka qenë në qytetin e Fierit për të pritur djalin që i vinte nga Greqia dhe në momentin që u kthye në shtëpi e gjeti të ëmën të zhveshur dhe të rrënuar.
“Tani nëna është më mirë, por ka shenjat e dhunës. Flet shumë pak.
Atë ditë mora djalin nga Greqia, kur erdhëm këtu, gjetëm plakën. Gjetëm Saimirin me nënën, djali e pa i pari, më tha çfarë ka nëna. Tha që plaka qenka vrarë, iu afrova dhe pashë që ishte e zhveshur. Saimiri ishte ulur aty. Pyeta plakën kush të ka vrarë tha që e ka vrarë dhe zhveshur Saimiri. Pyeta Saimirin dhe i thashë si nuk ke turp.
Më parë Saimiri ka dhunuar mbesën e vet. I thashë mirë mbesën po dhe plakën. Ka ndodhur në Greqi, ka vite më parë. E ka përdhunuar, ishte 17-18 vjeç. E kanë dënuar në Greqi, pastaj e kanë falur.
Por, nuk na shkonte mendja që ta bënte te gjyshja. Plaka i tha policisë që Saimiri e ka përdhunuar, nuk e di a e ka pranuar Saimiri. Ai pinte me shumë veta, pinte alkool“.
Ismeti tregoi se Saimiri ishte djali i gruas me të cilën është ndarë. Por, thotë se pavarësisht kësaj e ka pranuar Saimirin në shtëpi.
“Unë e kam pranuar, por ai vinte në shtëpi të bënte ndonjë prapësi, vidhte ndonjë gjë. Tani çështjen ia kam lënë shtetit në dorë, dua të dënohet për atë që ka bërë, inati nuk nxirret te 90-vjeçarja, e ka nxirë nga trupi dhe fytyra”, thotë djali i të moshuarës.
Ndërkohë që duhet të ishte kjo ngjarja që duhet të trondiste e të ngrite në këmbë vendin, një Shqipëri e tërë merret me “Për’puthen” dhe lidhjet e fshehta të Teas, Andit e Beartit!
