Një person i tretë ka rënë në pranga lidhur me rastin e vrasjes së Liridona Murselit. Sipas burimeve nga mediat në Kosovë, ai është arrestuar sot në Prishtinë.
I dyshuari në fjalë mësohet të jetë vëllai i një prej policëve të Njësisë Speciale. Bëhet fjalë për Kushtrim Kokallën, pjesëtar i FSK-së dhe nipi i Naim Murselit, bashkëshortit të Liridonës.
Ndërkaq më herët sot gjatë ditës së sotme, lidhur me këtë rast është arrestuar Naim Murseli, bashkëshorti i viktimës dhe Granit Plava që dyshohet se kreu vrasjen.
Autori i vrasjes së Liridonës është bashkëfshatar i Naim Murselit dhe është paguar nga ai për të kryer ekzekutimin. Plava ka pranuar veprën dhe ka deklaruar se Murseli i ka dhënë 30 mijë euro për ta kryer aktin e vrasjes.
