Ish-vokalistja e grupit Pussycat Doll dhe anëtarja e jurisë së X Factor, Nicole Scherzinger ka folur me sinqeritet në lidhje me një çrregullim në të ngrënë në të kaluarën.
Këngëtarja 38-vjeçare tregon se plakja i ka dhënë asaj një perspektivë të qartë për jetën dhe e ka ndihmuar të mundë “demonët e saj”.
Duke folur për “FEMAIL” për largimin e presionit për të humbur peshë, Nicole ka thënë: “Me kalimin e moshës, krijon një perspektivë më të mirë për gjërat dhe unë përfundimisht kam mësuar të mos vendos aq shumë presion mbi veten dhe njerëzit e tjerë”.
“Duhet të mësosh të duash dhe ta pranosh veten dhe të mos i kushtosh shumë rëndësi se çfarë mendojnë të tjerët”.
Nicole thotë se bilanci është ‘çdo gjë’ për të, dhe ajo dëshiron shumë të ushtrohet sepse i jep asaj një bukuri natyrore. Këngëtarja gjithashtu zbuloi se nuk ndjen ndonjë presion për të ruajtur pamjen e saj rinore – një qëndrim që e ka zhvilluar me kalimin e kohës.
“Ka kaq shumë presion mbi gratë dhe vajzat për t’u dukur në një mënyrë të caktuar dhe kur isha e re kam qenë mjaft e pasigurt. Shpenzoja aq shumë kohë duke e krahasuar veten me njerëz të tjerë dhe kritikoja veten para pasqyrës.
Por, me kalimin e viteve kam kuptuar se askush nuk është i përsosur dhe kam mësuar t’i dua të metat e mia dhe mënyrën se si dukem. Unë mendoj se, për shumicën e njerëzve, besimi rritet me moshën – dhe në qoftë se ju jeni të lumtur dhe të sigurt, atëherë ju do të dukeni të natyrshëm dhe do të ndiheni më të bukur, dhe nuk ka rëndësi se sa të vjetër jeni”.
Burimi: Daily Mail
