Në 30 shtator Nicki Minaj solli në jetë fëmijën e saj të parë, një djalë, si fryt i dashurisë me Kennerth Petty. Ndërkohë së fundmi reperja ka treguar për fansat e saj detaje në lidhje me prindërimin dhe këtë perudhë të re të jetës.
Nicki tha se të afërmit i kanë sugjeruar që të punësojë një dado për ta ndihmuar me djalin, por ajo nuk e ka bërë ende këtë gjë, sepse i duket një vendim mjaft i vështirë.
“Përse Nicki nuk mund të jetë si një personazh i njohur normal dhe të marrë një dado?”, i shkroi një fanse reperes.
“Çdokush ma thotë këtë gjë. Duhet të punësojë vërtetë dikë. Por ësshtë një vendim shumë i vështirë”, është përgjigjur Minaj.
Nicki bëri shaka për ushqyerjen e djalit me qumësht gjiri, duke treguar se ai dëshiron vëmendje maksimale. “Mbrëmjen e shkuar u përpoqa të shkruaja në Twitter, ndërkohë që po e ushqeja. Ai më pa dhe më tha ‘Absolutisht jo’. Ai dëshiron gjithë vëmendjen për veten”, ka shkruar reperja.
Nicki Minaj tha se mezi pret ta njohë të voglin me publikun, ndërkohë që ende nuk ja ka zbuluar emrin. Ajo publikoi foton e tij të parë në rrjete sociale për 1-vjetorin e martesës në fund të tetorit.
