Nicki Minaj zbuloi në emisionin e saj radiofonik në Apple, “Queen” se bashkë me partnerin Kenneth Petty kanë marrë licencën për t’u martuar.
Ata po njihen që prej dhjetorit, megjithatë marrëdhënia e tyre po ecën me hapa të sigurt dhe këtë u përpoq të na e tregonte Nicki e cila u shpreh kështu gjatë transmetimit:
“Mendoj se kam gjetur atë çfarë po kërkoja gjatë gjithë kësaj kohe: thjesht lumturi. Të gjeja lumturinë ishte e vështirë. Tani që ndihem vërtet e lumtur, nuk dua ta prish lumturinë për asgjë dhe për askënd.”
Megjithatë, njerëzve sikur s’ua mbush shumë syrin i dashuri i saj, Kenneth Petty. Kjo sepse ai është akuzuar tre herë për abuzim seksual. Ai është futur në burg për këtë dy herë: në 1995-ën dhe në 2006-ën.
Kjo ka shkaktuar pakënaqësi (kjo është pak të thuash) mes fansave të reperes. Megjithatë Nicki beson se ai ka ndryshuar dhe në fund të ditës, askush s’ka për ta ditur më mirë se ajo.
