Turbulenca gjatë një fluturimi mund të jetë një përvojë e pakëndshme për shumë njerëz. Dëmet mund të jenë duke filluar nga dëmtimet e lehta deri te rastet më serioze si aksidentet ajrore.
Sipas një analize, e cila u botua në “Geophysical Research Letters”, turbulencat në ajër të pastër (CAT) u bënë gjithnjë e më të përhapura në një pjesë të caktuara të botës midis viteve 1979 dhe 2020, sipas CNBC.
Turbulenca në një kohë të qetë shkakton një sfidë specifike për pilotët sepse është e vështirë të identifikohet para kohe dhe mund të shfaqet papritur.
Organizata Botërore Meteorologjike thotë se kjo lloj turbulence “shpesh edhe pse jo domosdoshmërisht gjithmonë, ndodh në mungesë të reve, duke e bërë të vështirë zbulimin fizik”.
Në një njoftim që shoqëron publikimin e raportit, Universiteti i Reading ka paraqitur disa nga gjetjet kryesore të studiuesve.
“Në një pikë tipike mbi Atlantikun e Veriut – një nga rrugët më të ngarkuara të fluturimit në botë – kohëzgjatja totale vjetore e turbulencave të rënda u rrit me 55% nga 17.7 orë në 1979 në 27.4 orë në 2020″, tha ai.
Përveç kësaj, turbulenca mesatare shkoi nga 70.0 në 96.1 orë, ndërsa turbulenca e lehtë arriti në 546.8 orë, nga 466.5.
Universiteti deklaroi se ajri më i ngrohtë nga emetimet e dioksidit të karbonit “po shton erën në udhëtimet ajrore, duke forcuar turbulencën e ajrit të pastër në Atlantikun e Veriut dhe në të gjithë globin”.
A do të përkeqësohet problemi i turbulencave?
“Kjo sigurisht që varet nga emetimet tona. Çdo një gradë Celsius shtesë e ngrohjes nënkupton një sasi shtesë turbulence”, thonë ekspertët.
“Unë nuk po them që do të bëhet aq keq sa avionët do të fillojnë të bien nga qielli ose ne do të duhet të ndalojmë fluturimet në pjesë të caktuara të botës”, thote njëri prej tyre.
