Fenomeni i ngrohjes globale po jep me shpejtësi ndikimin e tij sidomos në zonat ishullore me rritjen e nivelit të deteve, duke përmbytur shumë zona.
Kjo ka ndodhur edhe me një prej ishujve britanikë, ku ai që mijëra vjet më parë ishte një ishull i madh në brigjet e sotme të Anglisë, me kalimin e kohës është copëtuar në 140 të tillë, përfshirë ishullin aktual të Scilly-t, për shkak të rritjes së niveleve të detit.
Kjo është historia e kësaj zone bregdetare, e shtrirë përgjatë 12 000 viteve, e publikuar nga Universiteti i “Exeter” në revistën ”Science Advances”.
Bazuar në analizën qymyrit dhe objekteve arkeologjike të gjetura në ishull, studiuesit, të udhëhequr nga Robert Barnett, zhvilluan kurbën që përshkruan trendin e nivelit të detit për 12.000 vjet, duke zbuluar se 5000 vite më parë ishulli i Skilly u zhyt gradualisht.
Në atë kohë niveli i detit u ngrit në pikën e zhytjes së një sipërfaqeje toke prej rreth 10 000 metrash katrorë çdo vit, e barabartë me një stadium.
Mbetjet arkeologjike të epokës së bronzit sugjerojnë praninë e një bërthame të përhershme të banorëve atje. Arsyet janë të paqarta, por një mundësi është që ujërat e cekëta dhe baticat e reja kanë ofruar mundësi të reja peshkimi, grumbullimi butakësh dhe gjuetie nuk përjashtohet.
“Ndryshimet e shpejta në bregdet mund të ndodhin me një rritje relativisht të vogël të nivelit të detit”,- vëren Barnett.
“Shkalla aktuale e ngritjes globale të ujit të detit prej 3,6 milimetra në vit është tashmë shumë më e madhe se ajo e ishullit të Scillyt, me 1-2 milimetra në vit, e cila shkaktoi këtë ndryshim të madh në bregdetin e tij”,- thekson ai.
/Burimi: BBC/Iconstyle.al/
