Dy nga yjet e hip-hopit shqiptar, Ledri Vula dhe McKresha janë bërë sërish bashkë së fundmi për të sjellë hitin e radhës.
Kënga e dyshes së suksesshme titullohet “Gjiganta” dhe është publikuar mbrëmjen e së shtunës, si pjesë e albumit “10/10” të Ledrit.
“T’u shëtit me gjiganta je…”-këndojnë Vula dhe Kresha në këngën që duket se do të bëjë namin përgjatë kësaj vere.
Kënga sigurisht është shoqëruar dhe me një videoklip ku dy artistët shihen duke kënduar në rrugët e një qyteti në miniaturë, në përputhje të plotë me titullin e këngës.
Duke qenë jo vetëm miq, por edhe kolegë të mir ëprej vitesh, Ledri nuk ka ngurruar që t’i shprehë gjithë vlerësimin e tij Kreshës, në një koment në Instagram në të cilin e quan atë “gjigant”, si një prej artistëve më të mirë të zhanrit hip-hop.
“Kang’t (ft.) me shokë i kom nis me ty, titulli i kanës ‘Gjiganta’ të shkon ty. Nuk të shoh vetëm si shok e artist t’madh, po edhe si kontribuuesin më t’madh të hip-hopit.”-ka shkruar Vula.
Ndiqni klipin:
