Çifti kryeministror Linda dhe Edi Rama u shfaqën tejet elegantë në paraqitje, në një takim me presidentin e Shteteve të Bashkuara, Donald Trump dhe Zonjën e Parë Melanie Trump.
Ndërkohë që Rama kishte veshur një kostum blu të errët, ngjyra e të cilit është identike me kostumin e Trump, Zonja Linda Rama, kish zgjedhur një fustan lejla të errët kadife, që e kishte kombinuar me geta të zeza dhe këpucë të zeza.
Çuditërisht, të njëjtën ngjyrë fustani kish zgjedhur Zonja e Parë e Republikës së Kosovës, Lumnie Thaçi, e cila bashkë me bashkëshortin e saj presidentin Hashim Thaçi, është takuar me Presidentin e SHBA-ve, Donald Trump dhe bashkëshorten e tij.
Ajo kishte zgjedhur fustanin e dizajnueses kosovare, Vjollca Llapashtica, e cila kujdeset edhe për shumë fytyra publike kosovare dhe të huaja. Gjithsesi kombinimi i Lumnie Thaçit, me geta ngjyrë mishi dhe këpucë të zeza mbetet më i pranueshëm në krahasim me Linda Ramën.
Me sa duket, ngjyra lejla e errët do të jetë ngjyra e vitit, dhe ku ka më mirë sesa të frymëzohesh nga këto zonja me klas.
Burimi: Iconstyle.al
