Një ngjarje e rëndë ka ndodhur në Indi, pasi një burrë i cili kishte humbur të gjithë pasurinë e tij në kumar, ka lënë në lojë edhe gruan e tij.
Ai ka lejuar dy miqtë e tij t’i përdhunojnë bashkëshorten dhe kjo e fundit e ka akuzuar atë në polici.
Fillimisht, policia nuk e kishte pranuar denoncimin por kur ngjarja kishte shkuar në gjykatën lokale, ata kishin hapur një dosje për këtë rast.
Gruaja ka treguar se bashkëshorti i saj pinte shumë kohëve të fundit dhe shokët e tij Arun dhe Anil i shkonin shpesh në shtëpi.
Pas përdhunimit, gruaja ishte larguar në shtëpinë e xhaxhait të saj, mirëpo bashkëshorti kishte shkuar t’i kërkonte falje, duke i kërkuar të rikthehej sërish me të.
Ajo e kishte pranuar faljen e tij, por gjatë rrugës së kthimit, burri kishte ndaluar makinën dhe dy shokët e tij ishin shfaqur sërish për t’i përdhunuar bashkëshorten edhe një herë.
Kjo ngjarje tashmë është në duart e policisë dhe pritet dënimi për autorët e përdhunimit.
