“Katar 2022”, Kupa e parë e Botës që do të mbahet në Lindjen e Mesme, është vetëm 12 muaj larg.
Ndeshja hapëse e Botërorit të ardhshëm, e cila iu dha Katarit në vitin 2010, do të luhet më 18 nëntor 2022, në stadiumin Al-Bayt në Al-Khor, që ndodhet në veri të kryeqytetit Doha. Ndërsa disa prej ekipeve kombëtare janë kualifikuar, të tjera presin ndeshjet play-off për të siguruar një biletë për në Botëror. Por le të kthehemi tek akuzat me të cilat është përballur Katari që kur mori të drejtën për të organizuar Kupën e Botës.
Që kur iu dha e drejta e pritjes, Katari është përballur me akuza për ryshfet dhe korrupsion në procesin e tenderit.
Për më tepër, temperaturat e larta gjatë muajve të verës në Katar bënë që datat e turneut të zhvendoseshin në nëntor dhe dhjetor, gjë që gjithashtu detyroi ligat në mbarë botën të ndryshonin oraret e tyre.
Së fundmi, shqetësimet për mungesën e akomodimit në hotel janë shfaqur edhe për fluksin e tifozëve të ardhur për turneun.
Trajtimi i Katarit ndaj punëtorëve migrantë dhe historia e tij për të drejtat e njeriut kanë qenë gjithashtu në qendër të vëmendjes që kur iu dha organizimi i turneut. Të paktën 50 nga punëtorët e Katarit vdiqën në vitin 2020, pasi boshllëqet në mbledhjen e të dhënave nga institucionet e vendit penguan Organizatën Ndërkombëtare të Punës (ILO) të paraqiste një shifër kategorike për numrin e lëndimeve fatale në punë, tha një raport i lëshuar nga organizata të enjten. Sipas raportit, 37,600 punëtorë pësuan lëndime të lehta deri në mesatare në vitin 2020.
A do ta bojkotojë ndonjë ekip turneun?
Në fillim të këtij viti, Holanda, Norvegjia, Danimarka dhe Gjermania organizuan protesta në terren kundër trajtimit të punëtorëve migrantë nga Katari. Megjithatë, nuk ka pasur asnjë kërcënim për bojkot.
