Emina Cunmulaj pavarësisht se nisi karrierën e modelingut rreth 16 vite më parë, koha për të ka ndalur. 33-vjeçarja, e cila la profesionin dhe pasionin e saj për t’ju përkushtuar familjes, ka ditur të kujdeset për paraqitjen.
Me një dietë të mirë ushqimore, shpesh tradicionale, me ushtrimet e duhura, por pa nënvlerësuar gjenet vazhdon të mbajë linjat edhe pas lindjes së vajzës së saj të parë.
Ajo u zbulua nga agjencia e njohur amerikane e modelingut “Elite Model Management” vetëm kur ishte 17 vjeçe dhe në vitin 2001 nënshkroi një kontratë me të. Zbulimi i Eminës erdhi pasi fitoi konkursin e bukurisë “Elite Model Look” në po të njëjtin vit. Pas nënshkrimit të kontratën, adoleshente në atë kohë, u zhvendos nga Mali i Zi për t’u rikthyer në SHBA.
Vetëm dy ditë më parë nëna e një vajze na kujtoi një nga kopertinat e saj për revistën e njohur “Fashion”, të realizuar në gusht të 2007-s.
Në fakt edhe para këtij viti kujtojmë se Emina Cunmulaj ka pozuar për revistën franceze “France Soir”, në prill të 2006-s.
Ajo është zgjedhur duke pozuar në disa nga kopertinat e revistave më të njohura në botë si, “Vogue”, “Elle” dhe “Marie Claire”.
Pavarësisht se në imazhin e saj ka arritur të ketë një pjekuri, asgjë nuk ka ndryshuar nga tiparet e modeles shqiptare. Ndërsa natyraliteti vazhdon ta shoqërojë!
Marie Claire, Britani – shtator 2005
Vogue Gjermani – vjeshtë 2006
Stiletto – pranverë 2007
Vogue Meksikë – mars 2007
Elle SHBA – qershor 2007
Surface – 2007
Elle – korrik 2008
Glamour – shtator 2009
Elle – nëntor 2009
Elle – shkurt 2010
Wallpaper – 2010
Burimi: Iconstyle.al
