Kourtney Kardashian ka festuar dje ditëlindjen e saj të 40- të dhe gjithçka ishte brilante. Në fakt kanë qenë motrat e saj, Kim dhe Khloe të cilat kanë ndarë herë pas herë disa momente nga festa.
Hyrja në festën e saj ishte madhështore pasi përpos fishekzjarreve, Kourtney shoqërohej nga vajza e saj 6-vjeçare Penelope. Ndërkohë që në sfond luhej me saksofon coveri i bukur i Stevie Wonder “Isn’t She Lovely” ( A nuk është ajo e adhurueshme).
Ajo që të binte në sy ishte torta e pazakontë në të cilën ishte vendosur një grua nudo në vaskë ( e cila të kujton disa foto të viteve më parë kur Kourtney ka pozuar nudo).
Mbi tavolinë qendronin gjithashtu edhe disa shishe të personalizuara me fytyrën e Kourtney’s ku shkruhej: “Gjëja më interesante për t’u parë”.
Madje edhe tek kartopicetat shkruhej: “Kim, ka njerëz që po vdesin”. Mos mendoni se ishte diçka rastësore. Kjo ka qenë përgjigjia që Kourtney i tha Kim-it kur humbi vathët e saj në det tek një nga seritë e “Keep up with Kardashians”.
Urimet nga motrat dhe mamaja kanë tërhequr vëmendjen e të gjithëve më fjalët shumë të sinqerta që kanë thënë.
Ndërkohë Kim ka zgjedhur një foto të shumë viteve më parë për të uruar motrën e saj:
Nuk mund të mungonte as urimi i mamasë së Kourtney’s, Kris Jenner. Ja çfarë shkruan ajo:
“Gëzuar ditëlindjen Kourtney. Nuk mund ta besoj që je 40 vjeç tani. Të dua më shumë nga sa mund ta imagjinosh, ti gjithmonë do jesh e vogla ime. Jam shumë e bekuar që jam mamaja jote dhe që të kam ty. Ti je zemra ime dhe të jam pafundësisht mirënjohëse për kujtimet tona. Të dua. Mami!”.
Duhet thënë se Kourtney dukej fantastike në ditëlindjen e saj me një fustan të gjatë të zi pas trupit, duke mos të dhënë fare përshtypjen e një 40- vjeçareje.
Burimi: etonline
