Don Xhoni është kthyer shumë shpejt në reperin e preferuar të shumë të rinjve shqiptar. Ai ka vetëm pak kohë që është pjesë aktive e industrisë muzikore dhe në një kohë shumë të shkurtër ka arritur një sukses të jashtëzakonshëm.
Çdo këngë e tij është kthyer menjëherë në hit dhe Don Xhoni ka pasur një rritje të menjëhershme në karrierë. Sa herë që ai merr pjesë në një koncert sallat janë të mbushur plot e përplot me fansa të tij, që dinë përmendsh çdo këngë.
E mesa duket ai nuk do të ndalet pasi së fundmi ka paralajmëruar projektin e ri muzikor. Këtë lajm ai e dha përmes një postimi në InstaStory.
Kënga titullohet “Trust me” dhe do të publikohet të premten në ora 20:00 në platformën Youtube.
Po ashtu, Don Xhoni ka paralajmëruar më herët një bashkim forcash mes tij dhe reperes së njohur shqiptare, Loredanës.
Me anë të një videoje në Instastory reperi ka konfirmuar se bashkëpunimi po vjen. Ai ka ripostuar një video të Lorit teksa improvizon në makinë këngën e tij dhe ka shkruar:
“Diçka e çmendur po vjen”!
Pa diskutim, një projekt i përbashkët prej tyre do të ishte qershia mbi tortë që na duhej për këtë sezon.
