Kourtney Kardashian nuk është më single! Pavarësisht zërave të shumë se ajo dhe ish-partneri Scott Disick mund të ishin bashkuar, ishin parë së bashku duke darkuar apo me pushime, ajo s’ka më asnjë lidhje me Scott-in!
Kourtney është në krahët e një tjetër mashkulli i cili fillimisht ishte një ndër miqtë e saj më të mirë.
Mesa duket, pas miqësisë ka lindur dashuria ndaj njihuni me partnerin e ri të 41-vjeçares, Travis Barker.
Në fakt, këtë lajm e kanë zbuluar burime pranë çiftit, që kanë bërë të ditur se ata kanë dy muaj që po shijojnë historinë e re të dashurisë.
Dy zogjtë e dashuruar kanë qenë në një udhëtim së bashku në Palm Springs, California dhe sipas burimeve, gjërat mes tyre po shkojnë në mënyrë perfekte!
Ashtu si Kourtney edhe Travis është ndarë nga një martesë dhe ka fjithashtu fëmijë.
Ndërkohë, ish-i i yllit të “Keeping Up With the Kardashians”, Scott, thuhet lart e poshtë se është në lidhje me një vajzë 18 vite më të re se ai.
Së fundmi mediat rozë kanë konfirmuar lidhjen e tij me vajzën simpatike, që u fotografua muajin e shkuar. E dashura e re e Scott quhet Amelia Hamlin dhe është 19 vjeçe. Ata të dy janë parë bashkë shumë të afërt duke shëtitur në Malibu. Madje Disick është kapur duke i hedhur dorën në qafë Amelias dhe të dy dukeshin shumë të lumtur në shoqërinë e njëri-tjetrit.
Gjithashtu edhe Amelia është parë duke i mbajtur krahun të dashurit të saj gjatë shëtitjes.
