Lyrical Son ka dhënë ditën e sotme një intervistë për “Abc-ja e Mëngjesit” ku ka rrëfyer mjaft detaje përsa i përket jetës së tij personale.
Reperi ka treguar për marrëdhënien e tij me dy vajzat dhe bashkëshorten, Gresën.
“Mundohem të jem sa më afër tyre dhe me qenë shok. Ndoshta e teproj pak saqë e gjej veten diku nën krevat duke luajtur me kukulla. Këtë gjë e ka familja. Nuk ka asgjë në jetë që mundohem me e krahasuar me dashurinë dhe gjithçka rreth çikave të mia, krejt çmimet, hitet, besomë që do i kisha quajtur mbeturina për një teshtimë të vajzës time”, tha reperi.
Ai po ashtu, tregoi fjalët që i kishte thënë bashkëshortja nëse donte të hiqte dorë nga muzika.
“Gresa është fanse e imja. E kam pasur shoqe së pari që prej kur ishim fëmijë. Familjen e saj e kam njohur para se të lidhesha me të. Në këtë rast, nuk kemi filluar rastësisht, ka qenë shumë e natyrshme, ka qenë diçka prej Zotit. Ishte gjithmonë në rresht të parë të publikut sa herë kemi kënduar në Prishtinë.
Sa herë që ka dikush që kujdeset për vajzat, Gresa do me qenë aty ku jemi unë dhe Kresha…Më tha: Mos e lini muzikën se nuk kam njeri kë me dëgjuar. Vetëm për ty do të bëjmë një album. Kemi filluar jemi në mes të punës.“, tha Lyrical Son.
Ndër të tjera, Lyrical Son foli dhe për raportin që ka me MC Krshën, duke thënë se ata të dy janë janë.
“Unë dhe Kresha jemi një. Është sikur të thuash ka bashkëpunuar Shqipëria dhe Kosova për të mbrojtur flamurin kuq e zi.”, ishin fjalët e tij.
