Shqipe Hysenaj është konkurrentja e pezulluar e emisionit “Për’puthen”, e cila bëri namin për javë me radhë dhe ra në sy për tipin e saj tepër impulsiv.
Sipas produksionit, për shfaqje homofobie dhe bullizëm në ekran, Shqipja u pezullua nga emisioni ndërsa për “Prive”, 28-vjeçarja ka folur pa dorashka.
Shqipja ka treguar se nuk ka ndërmend të rikthehet më në “Për’puthen”, ndërsa pengu i vetëm që i ka mbetur është fakti që nuk e lejuan të sqarohet në publik.
Sipas saj, emisioni është real por jo personat brenda tij.
Shqipja tregoi se është ofenduar rëndë nga opinionisti, Arian Konomi, i cili e ka quajtur disa herë ‘rrugaçe’, por sipas saj pjesët e emisionit janë prerë.
Pas këtij ofendimi, 28-vjeçarja e ka paralajmëruar opinionistin për gjyq, mirëpo ajo nuk preferoi të tregojë nëse do t’i shkojë fjalës së saj deri në fund.
Për më tepër, ndiqni intervistën e Shqipes:
