Pas shumë vitesh bashkë, ditën e sotme Armina Mevlani dhe Shkëlzen Berisha do t’i thonë “Po” njëri-tjetrit në një ceremoni që do të mbahet në Shijak.
Ditën e djeshme IconStyle.al publikoi fotot ekskluzive të ambjentit ku do të mbahet ceremonia, ndërsa së fundmi detaje të reja janë zbuluar nga dasma e shumëpritur.
Mësohet se numri i personave personave që do të jenë dëshmitarë të kësaj feste do të jetë rreth 300.
Dekori dhe të gjitha detajet e tjera janë përzgjedhur nga vetë çifti, duke i kushtuar një vëmendje të madhe, sidomos nga Armina, që njihet për shijen e saj të hollë. Ndër të tjera siç raportuam edhe ditën e djeshme, ceremonia do të mbahet në një agroturizëm në Shijak, dhe do të nisë rreth orës 17:00, për tu pasuar më pas me një darkë më gatime tradicionale.
Vetë blogerja ka zbuluar disa detaje nga festa e dasmës së saj. Në fund të episodit të “Goca dhe Gra”, ku Armina është moderatore, ajo rrëfeu emocionet, ndërsa tha se më shumë do të flasë pas dasmës.
Gjatë bisedës, Dalina Buzi tha: “Javës tjetër do jesh si zonja Berisha, do na vish në studio”, ndërsa Armina u përgjigj duke thënë: “Jo, do të vij si zonja Mevlani. Do të vazhdoj të jem zonja Mevlani”.
Kështu ajo la të kuptohet se do të mbajë mbiemrin e saj edhe pas martesës. Gjatë emisionit, vajzat nuk kursyen komentet plot humor. Jerina e pyeti Dalinën nëse e ka vendosur sa lekë do t’i hedhë Arminës në dasmë.
Më herët, Mevlani u shpreh se kanë zgjedhur pikërisht muajin shtator pasi u pëlqen vjeshta të dyve dhe ka mohuar se po bën një dasmë për arsye se po pret një fëmijë siç është përfolur.
Gjithashtu blogerja ka zbuluar së fundmi një detaj nga velloja që do të veshë për ditën e saj të madhe. Armina ka publikuar në Instagram një foto të vellos së fustanit të nusërisë, në të cilin shihet i qëndisur mbishkrimi “Love is the answer (dashuria është përgjigja)”.
Nga fotot ekskluzive që pulikuam ambjenti dukej akoma në prekjet e para, teksa dyshja kanë zgjedhur që dasmën ta bëjnë në natyrë.
