Jori Delli iu bashkua vonë shtëpisë së “Big Brother VIP” mirëpo arriti të tërheqë vëmendje me karizmën e saj dhe tipin moskokëçarës.
Brenda shtëpisë, Luizi hidhte e priste batuta me Jorin, duke u shprehur se ishin njohur më parë jashtë. Këto fjalë Jori i ka sqaruar sot në “Top Albania Radio”, ku foli edhe për marrëdhënien e saj me Noizy-n, pasi mori pjesë në videoklipin e tij.
Luizi nuk ishte fare i vërtetë aty brenda, tallej.(qesh) Ai thonte që ne kemi qenë bashkë dhe unë që i thoja ‘mirë mirë’. Jam e lumtur për Luizin dhe Kiarën. Pashë që më kishte dalë një video në TikTok që gjasmë provokoja Luizin. Isha shtrirë te divani, por unë jam shumë e gjatë, kisha zgjatur këmbët me atë qëndrimin tim si çun. Në atë moment isha përgjumësh, më kishte dalë pak gjoksi dhe njerëzit thonin që e kisha bërë kastile. Ne kishim një kimi të madhe dhe rrinim bashkë, këndoja, kërceja me të, kishte humor. Në atë shtëpi aq doja unë. Nuk kam patur më kontakte me Luizin që pas mbarimit të “BBV”. Me Kiarën nuk kemi folur shumë, nga ana ime nuk ka patur hatërmbetje dhe jo nuk më ka ftuar në dasmë. Luizi më ftoi kur ishim brenda, nuk e di a vlen ftesa tani që kemi dalur.
Çfarë po “zien” mes saj dhe Noizyt?
Ishte një bashkëpunim për videoklip. Kam qenë pjesë e videoklipit të Noizyt, kisha 3 ditë xhirime, filluam në Palasë, në Vlorë dhe në fund ishin tek Currilat. Erdhi kërkesa në Instagram, fola me regjisorin, nuk e njihja më parë Noizyn. Më shkruajti që do i pëlqente të isha pjesë e videoklipit. Ideja ishte shumë e bukur. Mes meje dhe Noizyt nuk ka ndodhur asgjë përveç këtij bashkëpunimi. Noizy dhe ekipi i tij kanë qenë shumë profesionalë, jemi kënaqur shumë. Është njeri shumë i mirë, i zgjuar, më jep këshilla interesante për punë por nuk ka asgjë më tepër se kaq. Kam shumë pak ditë që e njoh.
A ka ruajtur Jori marrëdhënie me ndonjë nga ish-banorët e shtëpisë më të fashme pas mbarimit të “BBV”?
Në fakt me shumë prej tyre. Me Dean, Kristin po e takoj shpesh këtu në Tiranë se është dhe vetëm. Olta është numri një, kam nevojë për njerëz me energji si të Oltës se dua të kënaqem.
