Aldor Nini CEO i “Acromax”, së fundmi ka qenë i ftuar në “Glamour Zone”, ku nuk është kursyer në deklarata të fuqishme.
Pasi foli sërish për artistët që kanë blerë apo jo klikimet, ai u ndal edhe tek dy sherret më të bujshme të muzikës shqiptare.
I pari daton në vitet 2011-2012, mes Eni Koçit dhe Noizy-t. Bëhet fjalë për këngën “Je Gjithçka”, pas të cilës familja e këngëtares i kishte bërë presion me polici, madje i kishte kërkuar që të gjitha fitimet t’ia jepte Enit dhe jo Noizy-t.
“Kjo temë ka shumë kohë në 2011-2012. Ka qenë një konflikt mes Eni Koçit dhe Noizyt te kënga Je Gjithçka. Ata kishin rënë dakord për një ndarje parash dhe familja e Enit nuk ishte më dakord pas një kohe. Gjithçka ishte me kontratë. Presioni nëpërmjet policisë erdhi nga familja e Enit. Ata na kërkonin që t`i paguanim Enit të gjitha të ardhurat, dhe mos t`i jepnim Noizyt pjesën e tij,”-u shpreh Nini.
Aldori pas mosmarrëveshjes së Enit dhe Rigelsit, për shkak të familjes, u ndal edhe tek një nga debatet më të mëdha të showbiz-it shqiptar, ai mes Silva Gunbardhit, Dafi Dertit dhe Mandit të Nishtullës për këngën e kthyer në hit “Të ka lali shpirt”.
I pyetur nga moderatorja rreth arsyejes së sherreve të shumta mes artistëve ai u shpreh:
“Më tepër për pjesën e koncerteve. Si në rastin e Silvës dhe Mandit. Ata kanë humbur shumë lekë, vetëm sepse Mandi nuk pranonte të shkonte në koncert me ta.”
