Në mbledhjen e qeverisë që vazhdon të mbahet, kryeministri Edi Rama tha se nga nesër punonjësit e administratës do të mund të punojnë nga shtëpia.
Kryeministri tha se të mërkurën do të mbyllen të gjitha sportelet e aplikimit, ku ka shumë njerëz.
Shërbimet do të bëhen vetëm online, ndërsa ata punonjës që nuk e shmangin dot kontaktin me njerëzit do të marrin masa të larta mbrojtëse.
“S’është një luftë që do zgjasë me vite, por çdo minutë mund të jetë sa një vit.
Ne nga dita e nesërme do çojmë në shtëpi të gjitha të pjesë të administratës që mund të vazhdojë të punojë nëpërmjet kompjuterit. Ne nuk do japim më shërbime nëpër sportele, për të gjitha aplikimet online. Shërbimi ADISA-s do mbyllet, të gjitha shërbimet do merren online. Do shfrytëzohet koha, shpresoj që për disa javë kurbat të përmirësohet dhe të marrin përgjigje.
Të gjithë prindërve që kanë një fëmijë në moshën e çerdhes, kopshti dhe arsimit bazë dhe nuk janë pjesë e kësaj pjesë të administratës ne do i japim menjëherë, lejen për të shkuar ën shtëpi, për të kufizuar kontaktet më të tjerët.
Është diçka që duhet të përballemi me seriozitet dhe dinjitet. Të përballemi për familjen dhe shoqërinë. S’do lejojmë të shkojnë pranë spitaleve, jo vetëm të afërmit e të sëmurëve, por edhe ata në ditë zakonshme nisen drejtë spitalit për të parë mos kam ndonjë gjë. Është gjendje lufte.
Unë do doja ti përqafoja të gjithë, në radhë të parë ata që e kanë virusin, do doja që të isha ditë natë për ta çuar këtë mesazh, por armiku na e ka vënë këtë kufi. Nëse unë bëj trimin kthehem në vrasës, duke ardhur dhe duke përqafuar të tjerët.”,- tha Rama.
