Dashuri dhe luks. Këto janë fjalët që mund të përshkruajnë jetën e ish-modeles, Angela Martini, e cila bashkëjeton me miliarderin rumun, Dragos Savulescu.
Vajza shkodrane që u bë pjesë e modës dhe sfiloi në pasarelat e New York-ut, tashmë ka hequr dorë nga moda dhe po “shijon parajsën”.
Angela Martini ka lindur në Shkodër, ajo është rritur në Zvicër dhe tani jeton në Los Angeles, në një vilë përrallore. Ajo shkoi në Zvicër kur ishte 9 vjeçe. Ëndrra e saj ishte gjithmonë të bëhehej modele.
“Kur unë isha e vogël kam fituar Miss Pallati, Miss Lagja, Miss Klasa, Miss Shkolla etj… Di të them se e mbaj mend si një ëndërr që më ka shoqëruar gjithnjë. Më duket se kam lindur me këtë ëndërr”, është shprehur ajo në një intervistë për GSH në vitin 2009.
Pas largimit për në Shtetet e Bashkuara, ajo bashkëpunoi me fotografin e mirënjohur Fadil Berisha. Qëndroi 4 muaj në Majami dhe më pas shkoi në New York, ku dhe nisi punë si modele me agjencinë numër 1 të botës “Elite, Models New York”.
Por sot Angela ka hequr dorë nga modelingu. Qëkur është lidhur me miliarderi rumin Dragos Savulescu, supermodelja duket se shijon luksin dhe dashurinë në krahët e tij, duke hedhur pas krave ëndrrën e saj. Dragos është një partner xheloz dhe duket se i do veç për vete hiret e Angelës, duke e larguar kështu nga karriera si modele.
Vendimi i saj për të hequr dorë nga karriera e modeles dhe planet me multimiliarderin rumun, një producent i njohur filmash, është konfirmuar nga të afërmit e Angelës. Vëllai më i madh i Angelës, Blerti Ceprati është shprehur se:
“Ajo po jeton një jetë princeshe, ashtu siç e meriton. Angela ka ambicie të forta. Po ashtu ajo ka ndryshuar drejtimin e jetës së saj dhe karrierës së modelimit i ka dhënë fund, kështu që tani vazhdon drejt karrierës së re, por më hollësisht mund të pyesni Angelën”.
Ky vendim mund të jetë dhe i saj, duke pasur parasysh jetën që po bën dhe luksin që i ofron partneri. Pse duhet të punojë Angela, kur i ka të gjitha?!
