Këngët për dashurinë janë ato që duhen për Shën Valentin. Reperja Tayna publikoi mbrëmjen e djeshme këngën ‘Merri’ e cila ka dy kuptime. I kushtohet vetes, pra ‘self love’ dhe partnerit. ‘Merre’ dhe pse me kuptim tjetër, është e përafërt me atë të ‘rivales’ së Taynës në muzikë, Melindës.
Kjo e fundit, vetëm 6 ditë më parë publikoi këngën ‘Mere’, e cila flet për një dashuri e cila ka përfunduar dhe i kushtohet momenteve me ish-in.
Janë dy tematika të ndryshme, mirëpo titulli seç është pak i përngjashëm.
Kujtojmë se kur Melinda Ademi ishte e ftuar në ‘Zemër Luana’, foli për raportin për Taynën. Me kunjë ajo e falenderoi mirëpo nuk la pa përmendur se ka folur keq për të në prapaskena.
“Tayna ka fol për mua keq në estradë në prapaskena. Mos mendo që si kam ni fjalët, faleminderit për mirëkuptimin”.
Konflikti mes vajzave të njohura ka vite që ka nisur (që të jemi të saktë, në momentin kur Melinda Ademi u fut në industrinë muzikore shqiptare dhe atë kosovare). Shkaku i zënkave të tyre në distancë? Ende nuk dihet, mirëpo xhelozia është ajo që përflitet lart e poshtë.
Se cila do pritet më mirë nga publiku, ‘Merri’ apo ‘Mere’, mbetet të shihet me kalimin e kohës. Kënga e Melindës tashmë ka kapur 1.8 milionë klikime për 6 ditë që është publikuar. Tayna për më pak se 24 orë, 173 mijë klikime në ‘Youtube’.
