Ueda Ndrecaj dhe Arlind Gashi, të cilët u njohën dhe u dashuruan para syve të publikut në “Love Island Albania”, kanë ndërtuar një histori dashurie. Pas përfundimit të spektaklit, romanca e tyre vijoi të lulëzonte, duke u kurorëzuar në martesë. Dashuria e tyre, që nisi si një histori televizive, mori një kthesë të bukur kur ata njoftuan ardhjen e një bekimi të madh në jetën e tyre: pritjen e fëmijës së parë.
Cifti erdhi për herë të parë në emisionin ‘Rudina’ me vajzën e tyre, Amea, duke ndarë përjetimet e tyre të para si prindër. “Na ka mbushur me dashuri,” tha Ueda, duke rrëfyer sesi jeta e tyre ka ndryshuar që prej ardhjes së vogëlushes në familjen e tyre.
Biseda ne studio:
Ueda Ndrecaj: U zgjova në mëngjes dhe aty kisha shenjat e para. Ishte një lindje natyrale dhe ndodhi para datës, ishte 38 javë e 5 ditë. Dhimbjet më filluan në mëngjes dhe linda ditën tjetër. Ndenja 6 ore në maternitet. Linda plot me dhimbe, por kur e mora në krahë për herë të parë ia vlejti.
Rudina Magjistari: Ai momenti kur lind duket sikur e harron të gjithë, fshin gjithçka dhe ti ndjehesh thjesht e lumtur për faktin që ka ardhur në jetë.
Ueda Ndrecaj: Mami im më tha shumë herë që ke për t’i harruar të gjitha dhimbjet dhe është e vërtetë. Kur erdhi Amea, unë dhe Arlindi e morën në krah, ktheva kokën ishte duke qarë.
Në sallën e lindjes, duke shtrënguar me ankth dorën e gruas së tij, Arlindi kujton emocionet e asaj dite që i dha statusin e babait.
Arlind Gashi: E imagjinon shumë të thjeshtë sepse thua është një lindje. Por, kur fillon dhimbjet, kur vjen doktori, kalojnë dhe mendime të këqija, thua “O zot mund të ndodhë diçka!”. Ajo më shikonte mua, kurse unë bëja si i fortë “hë se nuk ka problem”. Plus që më ra dhe një doktor që ishte pak i shkurtër, nuk mu duk fare si doktor. Në atë moment më iku boja, po më binte të fikët, mezi po mbaja veten. Gjithsesi gjithçka shkoi në rregull.
