Tayna ka ndarë disa detaje interesante lidhur me përfitimet që ka marrë nga sukseset e saj muzikore, veçanërisht nga kënga “Si Ai”, e cila ka arritur një sukses të jashtëzakonshëm. Në një intervistë në emisionin “Canapé”, Tayna u pyet për fitimet që ka grumbulluar nga ky hit i madh. Ajo theksoi se ka arritur të fitojë shumë para dhe vazhdon të përfitojë nga suksesi i këngës.
“Po, shumë (kam fituar), akoma po fitoj,” tha këngëtarja, duke pranuar se “Si Ai” ka qenë një burim i madh të ardhurash për të.
Kur moderatorin e interesoi nëse kjo ishte kënga që i kishte sjellë më shumë të ardhura, Tayna u përgjigj me një “po”. Megjithatë, për sa i përket spekulimeve për shumën që ka fituar, të cilat përfliten të arrijnë deri në 1 milion euro, ajo nuk e mohoi, por as e konfirmoi plotësisht këtë informacion.
Ajo gjithashtu ndau me publikun suksesin e saj në Spotify, ku është artistja më e dëgjuar dhe ka arritur deri në 3 milionë dëgjues në muaj. Tani, pas 6 muajsh, ka 2.6 milionë dëgjues aktivë.
Megjithatë, kur moderatori e pyeti për shifrën e saktë të fitimeve, Tayna preferoi të mos e komentonte këtë pjesë, duke theksuar se ajo fokusohet më shumë te krijimi i muzikës së mirë dhe jo te shifrat.
“Është ndjenjë e mirë, por nuk kam qef të fokusohem shumë në këto gjëra (shifra) sepse edhe muzikën e krijon që të mos bien numri dhe nuk bëhen muzikë të mirë,” shtoi ajo.
Kënga “Si Ai” ka arritur deri në 11 milionë klikime vetëm në platformën “Youtube”.
