Kejsi Tolën e njohim për një stil klasik, gjithmonë brenda kornizave dhe normalisht si të gjithë ne, disa ditë kanë nevojë që të jesh sportive.
Por asnjëherë nuk e kemi parë të tregojë më shumë seç duhet.
Është në kategorinë e këngëtareve që nuk duan të shfrytëzojnë fizikun e tyre për të bërë famë. Por as nuk duan që të flasë më shumë veshja sesa zëri i tyre.
Veshja e parë që na shkon në mendje me të cilin lidhim këngëtaren është “jumpsuit”-i ose kombinimi i pantallonave me këmisha. Kejsi e ka zgjedhur shpesh këtë veshje në evente ose raste të veçanta.
Ajo di shumë mirë të zgjedhë veshjet që i përshtaten trupit të saj.
Gjithashtu fustanet e gjatë janë një nga veshjet më të preferuara për Tolën. Të paktën në profilin e saj të “Instagram”-it, “iconstyle.al”, vuri re që kjo veshje ishte zgjidhja e këngëtares në rastet e rëndësishme ku ishte e ftuar.
Por kur flitet për skenën, Kejsi ka preferuar më shumë fustanet e shkurtër, por të mbyllur në pjesën e sipërme, duke balancuar në këtë mënyrën lëkurën që është e dukshme.
Gjithsesi mund ta quajmë “vajza e guximshme” pasi në dy raste është shfaqur me një fustan të çarë deri në pjesën e sipërme të këmbës.
Një rast është ai i fustanit rozë pastel…
Dhe rasti tjetër fustani si me dizajnin e luspave me shkëlqime të ndryshme të jeshiles, blusë dhe lejlasë.
Veshjet me shkëlqim janë gjithashtu një nga të preferuarat e këngëtares.
Por ajo që ndoshta tërhoqi vëmendjen së fundmi është fakti që Kejsi tregoi asetet e saj, përmes trendit më të fundit: xhaketë pa reçipeta.
Tola sapo ka realizuar një set të ri fotografik ku duket e veshur me një kostum të bardhë, elegante, pa të brendshme. Kejsi nuk e ka fshehur përpjekjen e saj për të humbur peshë e për t’u dukur më elegante.
Ndërsa kujtojmë deklaratën e saj para pak kohësh:
“Aktivitet fizik bëj shumë rregullisht, pothuajse përditë nga 30 minuta vrap në ditë dhe palestër. Sinqerisht nuk e di sa kilogramë peshoj, sepse kam hequr dorë nga fiksimi për çdo gram të shtuar. Thjesht mundohem të ha shëndetshëm pa e kufizuar veten, ama edhe pa e tepruar gjithmonë. Unë dua të dobësohem edhe pak, por jo shumë. Më pëlqen të jem edhe pak më e hollë, por e tonifikuar, prandaj vazhdoj palestrën”.
Këngëtarja 25-vjeçare ka dëshmuar se di t’i përshtatet shumë mirë rasteve me veshjen e saj, nëse i duhet të jetë “casual” apo më klasike.
Burimi: Iconstyle.al
