Pas Kinës, Italia është shteti më i rrezikuar nga Koronavirusi.
Numri i të prekurve dhe viktimave është rritur ndjeshëm dhe në këtë shtet punojnë shumë shqiptarë, të cilët kanë krijuar edhe jetën aty.
Një prej tyre është edhe balerini Kledi Kadiu, i cili jeton në Rimini.
Për revistën “Class”, ai ka treguar si po i përjeton këto momente të vështira dhe thotë se është vetëizoluar së bashku me familjen.
“Ne të izoluar në shtëpi jemi nga dita e premte, por prej dy javësh këtu nuk ka kopshte, shkolla, i kanë mbyllur të gjitha”, tregoi Kledi.
Më tej i pyetur për vajzën dhe bashkëshorten, ai thotë se vajza ende nuk e ka kuptuar se çfarë po ndodh.
“Goca është shumë mirë, por nuk e kupton akoma! Ja kemi shpjeguar sepse nga pyet vazhdimisht pse nuk po shkoj në kopësht, por i kemi thënë që po e pastrojnë kopshtin! Po mirë ky kopshti, sa ditë do që të pastrohet? Kur të kthehem unë do të shkëlqejë nga pastërtia”, thotë balerini.
Në Rimini kanë ndërruar jetë 8 persona dhe mbi 200 janë të infektuar.
