Aktori Gaz Paja dhe partnerja e tij Ira vendosën më në fund ta kurorëzojnë lidhjen në martesë.
Pas një marrëdhënieje disa-vjeçare, çifti po organizojnë një ceremoni madhështore, e cila do të mbahet në datën 1 qershor!
“Xing” ka zbuluar detaje nga ceremonia, e cila duket se do të jetë një ceremoni me shumë të ftuar dhe për këtë, kanë zgjedhur një prej ambienteve më luksoze të kryeqytetit.
Gaz Paja dhe Ira Seferi do të shfaqen për herë të parë në publik si burrë e grua tek hoteli “Plaza”.
Përgatitjet për dasmën kanë nisur që tani, dhe duket se gjithçka do të jetë e kuruar në detaj.
Lajmi për zyrtarizimin e lidhjes së tyre, u bë i ditur 4 ditë më parë. I kontaktuar nga “IconStyle”, aktori u shpreh se donte ta mbante çdo gjë private.
“Jeta ime private është e shenjtë dhe preferoj të mos flas rreth kësaj teme”, tha ai.
I ftuar në “Wake Up” në nëntor të 2017-ës, Gazmend Paja foli për herë të parë për Irën. Edhe pse në fakt, qe prezantuesja Ori Nebiaj ajo që rrëfeu se Ira, një vajzë “bjonde, e gjatë, i qeshin syçkat”, dukej kokë e këmbë e dashuruar me Gazin.
Ajo qe e fundit herë kur Gazmend Paja dha detaje për marrëdhënien, që asokohe nuk ishte ende në hapat e martesës.
“Nuk kemi akoma as bashkëjetesë, as unazë. Jemi në procesin e njohjes, mirë po shkon. Unë jam tip impulsiv, ajo është ndryshe, që është diçka shumë e mirë.”
“Ndihem mirë, është një vajzë që më fal qetësi, është shumë e sjellshme, e dashur, korrekte, më bën të ndihem shumë mirë.”
