Në datën 9 Tetor, në puntatën e emisionit “T’ka mami Yll” , një sekuencë midis anëtarëve të jurisë dhe një prej fëmijëve, Lianës, u bë virale.
Vajza dëshiron të kërcejë dhe juria, veçanërisht Erjona Rusi dhe Albi Nako ju drejtuan me disa pyetje të cilat nuk u pritën aspak mirë nga publiku i gjerë.
Erjona dhe veçanërisht Albi duket në video se e vendosin në siklet vajzën me pyetjet e tyre të pa përshtatshme sidomos para kamerave dhe ajo qesh nga sikleti.
Erjona Rusi: Ke ngrënë? Nuk do na kërkosh për të ngrënë sot.
Albi Nako: Ty të pëlqen më shumë të hash apo të kërcesh? Do i sfidosh konkurrentët e tjerë me të ngrënë apo me kërcim?
Ndërsa Riselda Sejdia u pa në një video duke ja hequr ushqimin nga goja vogëlushes. Liana tentonte ta kafshonte dhe Riselda ja hiqte herë pas here ushqimin dhe të gjithë qeshnin, ndërkohë që e gjithë situata ndodhte para kamerave.
Këto pyetje drejtuar vogëlushes shkaktuan reagime të vrullshme në rrjet dhe shumë sulme kundrejt Albi Nakos dhe Erjona Rusit.
Nga ana tjetër të dy anëtarët e jurisë kanë reaguar sot në pasditen e ABC News.
Albi: “Për të qenë të vërtetë, sot këtu do duhet të ishte i pranishëm babai i Lianës, po nuk e pa të arsyeshme për shkak të trysnisë që ka prej ditësh.
Liana është vajza e një miku tim dhe është dorëzuar tek unë vetëm për të hequr dorë nga ushqimi, jo për tu marrë me balet. Ky ishte qëllimi. Që do të thotë ajo nuk ishte pjese e audicioneve. Ajo ishte thjeshtë pjese e spektaklit dhe do të jetë pjesë e shumë surprizave, jo për tu bullizuar.
Duke parë ftohtë ndoshta nuk mund të ishte një frazë e duhur, por nuk ishte qëllimi im denigrimi i një fëmije 7 vjeç.
Në rastin e Lianës ndoshta nuk ishte fraza e duhur, por aspak duke pasur për qëllim denigrimin e këtij personazhi. Thjesht të heqi dorë nga ushqimi”, tha ndër të tjera Albi.
Më tej teksa në ekran, u shfaqën disa foto të Lianës, e cila do të jetë bashkëprezantuese me Ilda Bejlerin, Albi u shpreh:
“Ti kujtojmë publikut që kjo që ju po nxirrni ju tani është xhiruar këtë të shtunë dhe jemi në avancë dy puntata”.
Ndërsa Erjona ka thënë se fjalitë në videon e bërë virale janë shkurtuar se nuk mund të lihej e gjithë biseda. Ajo është shprehur se vajzës nuk i ka thënë të qendrojë pa ngrënë.
“Unë nuk jam idiote dhe as monstër që ky fëmijë të rrijë pa ngrënë se duhet të këcejë.
Ne kemi folur përpara duke i thënë se ne nuk duhet të hash sufllaqe. Madje ajo është fëmijë shumë i dashur dhe përpara se të xhironinm vinte na puthte, unë e quaja “qofte”. Po ta shohësh edhe te foto që kam publikuar, e kam përqafuar.Shumë më kanë mallkuar, përmendur fëmijën tim, sulme nga më të tmerrshmet.
Unë ndjeva që fjalitë që ashtu siç ishin se nuk mund të lihej e gjithë biseda, dukej sikur unë i kam thënë vajzës të rrijë pa ngrënë.I kërkoj shumë falje familjes së Lianës se jam prind vetë se e di të gjithë këtë trysni që po kalojnë. Unë them faleminderit që Liana është e vogël dhe nuk është pjesë e rrjeteve sociale për të kuptuar këtë trysni.
Kam ndërgjegjen e pastër që asgjë nuk e kam bërë qëllimisht. Kam 20 vjet karrierë dhe asnjëherë nuk e kam ngritur karrirën time me sulme. Jam e tronditur, jam e lënduar”,
Në faqen tonë në IconStyle, pati shumë reagime për videon që ka çarë rrjetin, ndër to dhe nga vetë këngëtarja Dafina Zeqiri, si dhe të tjera:
