Këngët e Tunës mund t’i dimë përmendësh, por për jetën e saj private shumë gjëra i kemi harruar ose ajo është munduar që mos t’i tregojë. Disa herë ia ka dalë dhe herë të tjera jo. Ndoshta të gjithëve mund t’ju kujtohet historia e martesës së saj në moshën 25-vjeçare me Rilind Rekën dhe divorcin mes tyre vetëm pas një viti në 2011-n.
Por deri në 4 prill të 2010-s kur dyshja vendosi që ta bënte zyrtare dashurinë mes tyre, në jetën private të Altuna Sejdiut ka pasur meshkujt të tjerë. Shumica e të cilëve kanë qenë personazhe publikë dhe me një lidhje të fortë me muzikën.
Me djalin e rektorit
Tuna ka qenë e dashuruar me Lirak Bexhetin, djalin e rektorit te Universitetit shtetëror të Tetovës, me te cilin e ndau vdekja, pasi ky i fundit humbi jetën në një aksident me makinë në rrugën Tetovë – Shkup.
Lidhja aventureske me Ledrin
Pavarësisht se nuk dihet viti i lidhjes, Tuna mësohet se pati një romancë me anëtarin e grupit “Skillz” në atë kohë, Ledri Vulën. Nuk zgjati shumë dhe vitin e kaluar ata dëshmuan se e kanë hedhur pas krahëve, duke u bërë sërish miq.
Lidhja me vëllain e këngëtarit Bertan Asllani
Të paktën kjo është lidhja e parë publike që figuron në media nga kërkimet e “Iconstyle.al”. Këngëtarja nga Maqedonia Tuna u përfol se kurorëzoi me fejesë lidhjen e saj me Merti Asllanin në vitin 2008, me të cilin ndodhej në një lidhje që prej vitit 2007. (Merti është vëllai i këngëtarit nga Maqedonia, Bertan Asllani.)
Por ajo e përgënjeshtroi në atë kohë fejesën, duke u shprehur:
“Unë nuk jam fejuar edhe pse është e vërtetë se jam e dashuruar, mirëpo asgjë nuk është e vërtetë sa i takon fejesës. Kur do të vendos të fejohem do t’i informoj të gjithë, mirëpo gazetarët nuk do të jenë të ftuar”.
Historia e çiftit mbaroi rreth tetorit të 2008-s dhe ishte Merti, i cili e konfirmoi i pari.
“Unë dhe Tuna nuk jemi më bashkë dhe nuk do të jemi më kurrë. Lidhja jone ishte e bukur aq sa zgjati, mirëpo e gjithë kjo përnjehere u ndërpre. Dëshiroj që të gjithë ta dinë se nuk jam më i dashuri i Tunës dhe për momentin nuk kam lidhje tjetër”, tha Merti per revistën maqedonase “Svet” atë vit.
Lidhja e tyre u përfol se nisi nga këngëtarja vetëm për shkak të popullaritetit dhe punës që e lidhi me Mertin, pasi me ndihmën e tij ajo realizoi klipin “Inati” në versionin shqip
Sipas burimeve të mediave Tuna dhe Merti kishin pasur një zënkë që besohet të kishte qenë pasojë e tradhtisë që i kishte bërë i dashuri i këngëtares.
Më pas Tuna pranoi publikisht ndarjen, duke thënë se ishte beqare:
I panjohuri
Pas ndarjes nga Merti Asllani, u përfol se këngëtarja kishte gjetur prehje tek një dashuri tjetër. Ai ishte një djalë i panjohur për publikun dhe mbetet i tillë deri më sot.
“Peshku i artë”: Martesa dhe divorci
Në pranverë të 2009-s, këngëtarja nga Maqedonia nisi një lidhje dashurie me Rilind Rekën, djalin e ambasadorit të Maqedonisë në Bashkimin Europian, z. Blerim Reka, një profesor shumë i nderuar në Universitetin e Europës Juglindore në Tetovë, vend ku ka filluar studimet edhe vetë këngëtarja. Vetëm pas një vit lidhje, më 4 prill të 2010 çifti vendosi t’i jepte fund beqarisë duke organizuar një dasmë. Pjesë e gëzimit të tyre u bënë rreth 350 persona, mes të cilëve shumë persona publikë, si Nora Istrefi, Dafina Zeqiri, Adrian Gaxha, etj.
Por historia e kësaj martese zgjati vetëm një vit. Pasi në qershor të 2011-s dyshja nënshkroi divorcin. Tuna u shpreh në atë kohë për arsyet që çuan marrëdhënien e tyre drejt ndarjes:
“Ne të dy kishim një jetë shumë dinamike. Kishim shumë mospajtime dhe para se të mbarojë dhe luga e fundit e mjaltit vendosa që mos të viktimizohem më shumë. Jemi ulur dhe kemi vendosur që të ndahemi për të mirën e të dyve”.
Ajo u shpreh edhe për raportet mes tyre pas divorcit.
“Kuptohet që tani momentalisht ka një vakum mes nesh. Do bazohem në thënien se “koha është ilaçi më i mirë”. Rilindi është një person perfekt, sado që mediat të hedhin helm, ne të dy njihemi shumë mirë. Në të ardhmen do ketë një klimë pozitive dhe për shoqëri siç ndodh tek të gjitha çiftet moderne dhe të divorcuar”.
Kapet në hotel me Blerim Destanin
Pas ndarjes u përfol se këngëtarja Altuna Sejdi-Tuna dhe aktori shqiptar Blerim Destani ishin në një lidhje dashurie. Edhe pse e mohuan një lidhje të mundshme, sipas “Kosova Sot” dyshja u panë së bashku në një hotel në Prishtinë. Një person anonim tregon se pas mesnatës së të shtunës së 15 tetorit të 2011-s, aktori i njohur Blerim Destani u pa së bashku me këngëtaren Tuna në një hotel në Prishtinë. Ndërsa emri i hotelit se ku e kanë kaluar natën çifti nuk është bërë i ditur.
Lidhja me biznesmenin
Gati një vit pas divorcit (viti 2012), shtypi rozë në Maqedoni zbuloi lidhjen e re të këngëtares me djalin e politikanit.
Ato u shprehen kështu për Sejdiun në atë kohë:
“Ajo di të bëjë zgjedhjen më të mirë për sa u përket meshkujve. Është e vetmja këngëtare, e cila nuk përzgjedh meshkuj në moshë apo biznesmenë, por zgjedh fëmijët e biznesmenëve, politikanëve e ambasadorëve”.
Tuna Sejdiu, pas një martese të dështuar, ajo u përfol se nisi një lidhje me biznesmenin Aleksandër Ruzhin.
“Këngëtarja është në lidhje me biznesmenin, i cili njihet në publik si një nga meshkujt më tërheqës, madje i njohur si ish-i fejuari i këngëtares kroate, Antonija Sjola. Lajmin e bëjnë të ditur miq të afërt të Tunës dhe Aleksandrit, të cilët tregojnë se çifti është njohur në Prishtinë, vend ku Aleksi dhe Tuna qëndrojnë për shkak të impenjimeve. Si urë lidhëse siç duket ka qenë këngëtari Adrian Gaxha, i cili është mik i të dyve”, shkroi në atë kohë revista maqedonase “Svet”.
Dashuri dhe muzikë
Çifti nuk e pranoi lidhjen derisa u kapën mat në shkurt të 2013-s.
Këngëtarja u fotografua me reperin Cozman të përqafuar.
Çifti qëndoi i lidhur për rreth 3 vite dhe realizuan dy këngë bashkë: “Fenix” në 2013-n; “Holla” në 2015-n. Në prill të 2016-s u konfirmua nga mediat ndraja e tyre. Por arsyeja ende mbetet enigmë!
Me këngëtarin 10 vite më të ri
Në korrik të 2016-s Tuna Sejdiu dhe Ylli Limani u përfolën si ishin në një lidhje. Dy artistët po shpenzonin gjithmonë e më shumë kohë bashkë, duke filluar nga puna në studiot muzikore, koncerte ku performonin çift, e deri tek argëtimet në klubet e natës, gjë që bëri të dyshohej për një lidhje pasionante dashurie.
Ylli Limani, 22-vjeçari nga Prishtina dhe 32-vjeçarja nga Shkupi, nuk pranuan asnjëherë lidhjen.
Babai i fëmijës
Këngëtarja Tuna Sejdiu nuk iu nda djemve që janë të lidhur me muzikën. Vetëm pak ditë pas ndarjes nga këngëtari 10 vite më i ri, Ylli Limani, artistja nga Shkupi u mësua se nisi në gusht aventurën e re të dashurisë me vëllain Robert Berishës, Patrisin.
Pavarësisht se nuk pohuan as mohuan lidhjen e tyre, çifti vendosi të celebrohej më 11 shkurt të këtij viti. Arsyeja e martesës së shpejt, u mësua më vonë se ishte shtatzënia e këngëtares.
Altuna u bë nënë për herë të parë më 2 maj të 2017-s i djalit Tian.
Burimi: Iconstyle.al
(Ndalohet ribotimi pa lejen e redaksisë)
