Gjiko ishte i përzgjedhur i mbrëmjes së sotme për sfidën e famshme “Paintball” të Shiko Kush Luan. Reperi tregoi gjithçka që mendon për kolegët e tij pa rezerva dhe me siguri në të ardhmen nuk do të mungojë ndonjë reagim prej tyre.
Sipas Gjikos, Real 1 dhe Dj Blunt janë më të dobtët në karrierë dhe se do ju bënte diss duke qenë se dhe ata kanë bërë shumë për të. Madje reperi këndoi direkt në emision një frazë të shkurtër si “diss” për ta dhe pse në fillim nuk dëshiroi ta bënte këtë gjë duke u shprehur: “Nuk kam pse t’i bëj të famshëm se janë të vdekur, nuk kam pse t’i bëjë të gjallë”.
View this post on Instagram
Disa vite më parë Gjiko ka pasur një konflikt të ashpër me Dj Blunt dhe Real 1 dhe e gjitha nisi pasi këtë të fundit ofenduan Gjikon e Ledrin përmes disa postimeve në rrjete sociale. Më pas debati mes tyre vazhdoi përmes replikave të një pas njëshme në Instagram e më vonë Gjiko shkoi së bashku më Faton Shoshin edhe në shtëpinë e dy reperëve për t’u përballur fizikisht me ta.
Nga ana tjetër gjatë sfidës së Paintball, Gjiko nuk preferoi të zgjidhte dikë si më pak të talentuar duke u shprehur se të gjithë kanë talent për diçka. Ai zgjodhi të mos bënte asnjë bashkëpunim me Robert Berishën, sepse sipas tij u përkasin dy rrymave të ndryshme muzikore. Kur u pyet se cili artist do i jepte notën 10, ai zgjodhi Butën dhe shtoi se ai nuk ka bërë asnjëherë kompromis me muzikën për të fituar më shumë para.
