Ish-çifti Klaudia Pepës dhe Albi Nakos vazhdon të jetë në qendër të vëmendjes që pas lajmit për divorcin. Etiketimi i koreografit si “vëlla” nga ish-bashkëshortja hapi shumë debate, ndaj vetë balerina vendosi ta shpjegonte përcaktimin. Por tashmë nëna e saj Lume Pepa vendosi të flasë hapur në një intervistë për “Gazetën Shqiptare” për të gjithë pyetjet që çdokush mund të ketë rreth ndarjes së dyshes.
Ajo fillimisht mbështet frazën e përdorur nga e bija kundrejt Albit:
“Fjala “vëlla” e shprehur në shkallën më të lartë për një marrëdhënie të mirë, për mua nuk përben aspak alarm, e quaj kështu sepse u alarmuan disa komentues, të cilët do doja të ishin më të butë, sepse fjala “vëlla” nuk ishte vrastare sa po e bëjnë, përkundrazi Klaudia u shpreh e çiltër, e pastër, ashtu siç e njeh ai të cilit iu drejtua. Klaudia ka dashur të përmbledhë me atë fjalë që ne jemi bashkë në një marrëdhënie dhe unë do ta kem si vëllain e madh, tek i cili mbështetet më i vogli për mendime dhe bashkëpunime në vazhdimësi dhe jo vëlla siç e morën ata të cilët u irrituan”.
Lajmin për divorcin, Lume Pepa e mori në të njëjtën kohë me të gjithë ne:
“Unë e mora vesh atëherë kur u bë publike. Albi vinte tek ne dhe ndërkohë bisedonte me Klaudian gjatë kohës që rrinte te ne. Ata flasin çdo ditë bashkë dhe nëse Klaudia do ishte një përfituese apo mosmirënjohëse siç kam lexuar të thonë, si mendojnë ata që e kanë cilësuar të tillë, Albi do ta donte akoma?. Vendimin e kanë marrë të dy dhe arsyeja u përket atyre”.
Për sa i përket ndjenjave, arsyes së divorcit, a donin fëmijë e të tjera çështje të ngjashme me këto, Lumja ua ka lënë në dorë Klaudias dhe Albit t’i përgjigjen.
“Jam e bindur që të gjithë ata shqiptarë që u treguan të nxituar duke i pickuar Klaudias krenarinë, do t’i kërkojnë falje në ditët në vazhdim”.
