Ministrja e Shëndetësisë Ogerta Manastirliu ka bërë me dijë se nga 1 tetori do të hapen ambientet e brendshme të lokaleve dhe bareve që kanë qenë të mbyllura që nga 18 maji si dhe pishinat e mbyllura.
Stafi i tyre duhet të respektojë masat dhe rregullat anti Covid, dhe të jetë i pajisur me maska dhe doreza, gjithnjë duke mbajtur distancën.
“Në vijim të Paketës së Masave, Komiteti Teknik i Ekspertëve ka miratuar Protokollet e posatshme të sigurisë për rihapjen nga data 1 Tetor, të restoranteve dhe bareve në ambiente të mbyllura si dhe të pishinave në ambiente të mbyllura, ku distancimi fizik, higjiena dhe mbajtja e maskës nga stafet që shërbejnë është e detyrueshme në çdo subjekt”, bën me dije Manastirliu.
Ndërkohë, sa u përket klubeve të natës, ato të muzikës live, pub-et dhe disco-t, do të vijojnë të mbyllura deri në një njoftim të ri nga ministria.
“Task-Forca e inspektimit të protokolleve anticovid, policia e shtetit dhe policia bashkiake do të inspektojnë zbatimin e protokolleve duke ndërmarrë masat sipas legjislacionit në fuqi, me qëllim mbrojtjen e shëndetit të qytetarëve. Por nëse duam që aktivitetet ekonomike të mos pengohen dhe ekonomia të ecë përpara, duhet të marrim përgjegjësinë që na takon, duke nisur nga institucionet, biznesi dhe çdo qytetar. Do të vijojnë të mbeten të mbyllura sipas Aktit Normativ të miratuar në muajin Korrik, të gjitha klubet e natës, lounge-bar, pub-e, diskot apo veprimtari të këtij lloji”, tha Manastirliu.
/iconstyle.al
