Pas largimit nga Shqipëria, autorja dhe moderatorja e emisionit “Jo Vetëm Modë”, Floriana Garo njoftoi ndjekësit se, ishte hera e fundit që e shihnim në atë skenë.
Ajo u fejua me avokatin Daci dhe vendosi të shpërngulet në Zvicër, duke hequr dorë nga emisioni. Ndërkohë, sa i përket emisionit, është përfolur se ai do të vijojë me një figurë të re, por shumë të njohur dhe të dashur nga publiku shqiptar.
Bëhet fjalë për moderatoren simpatike Nevina Shtylla. E kontaktuar nga Iconstyle.al, Nevina u shpreh se: “ende nuk është konfirmuar gjë”. Moderatorja theksoi se është në bisedime për disa projekte, por një gjë e shprehu me siguri, bukuroshen do ta shohim në televizionin Klan:
“Po, po, në Klan do të jem. Ende nuk mund të them një gjë konkrete. Projekti përmban fusha të ndryshme, por jo me muzikë”, theksoi Nevina për “Iconstyle.al”.
Kurora e vajzës më të bukur të Shqipërisë në vitin 2010, ishte një çelës për vajzën me origjinë nga Korça, Nevina Shtylla, që të depërtonte thellë në botën e televizionit. Ajo ka marrë pjesë në “Këngën Magjike” përkrah moderatorit Ardit Gjebrea, ka prezantuar në “Netët e klipit shqiptar”, në “Mad Geeks” në Mad Tv, dhe në emisionin “Next” në Vizion Plus.
Burimi: Iconstyle.al
