Në Tiranë nesër protestohet, ndaj duhet të menaxhoni ditën që sot. Megjithëse nuk ka informacione për trazira apo provokim të forcave të policisë, uniformat blu të kryeqytetit kanë marrë masa për mbarëvajtjen e protestës së opozitës, që do të zhvillohet mesditën e së shtunës.
Tubimi është parashikuar të nisë në orën 12 dhe pritet të zgjasë 4 orë, ose edhe më shumë.
Policia njoftoi se si rrjedhojë e kësaj marshim-proteste do të ketë bllokime të pjesshme të trafikut në bulevardin “Dëshmorët e Kombit” dhe kryqëzimeve që lidhen me të.
Rreth 1 mijë forca të policisë po mobilizohen, për një protestë më të gjatë që mund të zhvillohet përpara Kryeministrisë.
Hyrja kryesore e kësaj të fundit është mbuluar nga një skelë me rrjeta, ndërsa në rresht të parë të kësaj godine pritet të jetë sërish një kordon me efektive femra, siç jemi mësuar të shohim në protestat e fundit./ TCH
