Të shtunën në orën 19:00 hapet sheshi Skënderbej, pas rikonstruksionit që filloi në shtator të 2016. Ceremonia e hapjes së sheshit do të shoqërohet me një koncert të madh, i cili mbledh artistët nga të gjitha trevat shqiptare dhe risjell folklorin shqiptar.
Koncerti do të hapet me këngën e Vaçe Zelës, “Rrjedh në këngë e ligjërime”, për të vazhduar me “Vallja e Dëborës”, nga Trimat e Jutbinës, “Eposin e Kreshnikëve”. Më pas do të jetë ceremonia e ngritjes së flamurit dhe ekzekutimin e ngritjes së Himnit Kombëtar.
Pas fjalës përshëndetëse të kryebashkiakut Veliaj dhe kryeministrit Rama, koncerti do të vazhdojë me vallet dhe këngët e trevave shqiptare, ku do të peformojnë grupe të tilla, si: Grupi Çam, Grupi i Kolonjës, Grupi i Himarës dhe do të luhen valle e orkestrime të ndryshme.
E gjithë kjo risjellje e traditës dhe pasurisë folklorike shqiptare, vjen për faktin se Sheshi Skënderbej është shtruar me gurë që janë marrë nga të gjitha trevat, duke u identifikur si sheshi i shqiptarëve./dritare.net
