Ditën e nesërme dhe në ditët në vijim farmacitë dhe ushqimoret apo furrat e bukës do të jenë të hapura.
Këtë e konfirmoi kryeministri Edi Rama në një njoftim për shtypin pak minuta më parë, kur u shpreh se nuk është nevoja që njerëzit të shkojnë të furnizohen me bukë në furrat e bukës, pasi ato do të qëndrojnë të hapura.
Megjithatë ai tha se qendrat tregtare do të pezullonë aktivitetin.
“Do të pezullohen aktivitetet që nuk janë të lidhura me ushqimin ose farmaceutikët. Nuk është e nevojshme dhe të marrin me radhë furrat e bukës dhe ti çojnë në shtëpi. Për marrjen e bukës dhe të medikamenteve do të lëvizet. Nesër furrrat e bukës dhe farmacitë do të jenë të hapura”, tha Rama, kryeministër i vendit gjatë një konference live për shtyp ku iu përgjigj disa pyetjeve:
Por pas ndalimit të qarkullimit me automjete, kryeministri u pyet nëse do pezullohet ecja në këmbë?
“A do të pezullohet ecja në këmbë? Nuk do të pezullohet, por nuk është këshillueshme në grup, askërkund që të grumbullohen te Kodrat e Liqenit dhe të qëndrojnë për piknik. Ecja po, mund të dalim për ajër të pastër, por jo në grup dhe familjarisht. Mos na detyroni të përdorim forcën, mos u mbildhni në bulevardin e Elbasanit për Ditën e Verës”, tha Rama.
