A do ai/ajo që të jetë mik me ty apo të krijojë një lidhje? Mund të jetë e vështirë të thuhet, por kërkime të reja thonë se lëvizjet e syve të një personi mund të jenë çelësi për të gjetur përgjigjen.
Hulumtuesit nga Kolegji Wellesley dhe Universiteti i Kansasit publikuan kohët e fundit një studim në “Arkivat e Sjelljes Seksuale”, duke parë atë që lëvizjet e syve thonë nëse duan që dikush të jetë mik apo partner/e.
Ata përfshinë në studim 105 studentë dhe gjurmonin lëvizjet e tyre të syve, ndërsa shihnin fotografitë e meshkujve dhe femrave, më pas iu përgjigjën pyetjeve nëse dëshironin të shoqëroheshin ose të lidheshin me secilin prej tyre.
“Studimi mbi tërheqjen tregon se ekziston një grup i caktuar karakteristikash që e bëjnë një person të dëshirueshëm. Ky studim i ri tregon se ajo që njerëzit kërkojnë në një partner varet nga qëllimet e tyre. Personi që mund të jetë një mik shumë i dëshirueshëm, por nuk mund të jetë një partner i mirë”, tha bashkëautorja Angela Bahns.
Përveç kësaj, studimi kërkonte të shihte atë në të cilën njerëzit përqendrohen kur truri i tyre po vlerëson me shpejtësi llojin e marrëdhënies që duan me personin që kanë përballë.
Çfarë zbuloi studimi?
Meshkujt dhe femrat shohin më shumë në kokën ose gjoksin e një personi nëse e konsiderojnë atë një partner të mundshëm. Meshkujt gjithashtu kishin tendencën të shihnin zonat e gjoksit dhe të ijëve të një femre, nëse ata tregonin interes romantik.
Kjo për shkak të mendimit të meshkujve për aftësinë e femrave për riprodhim.
Por kishte një paralajmërim: “Kur meshkujt i shihnin fytyrat për një kohë të gjatë, ata ishin më pak të interesuar për një person”.
Një nga pjesët më interesante të studimit, ishte sesi lëvizjet e syve të njerëzve ndryshojnë nëse duan një marrëdhënie që është platonike kundrejt atyre romantike ose seksuale.
Studiuesit vunë re sesi meshkujt, ashtu edhe femrat, shikonin këmbët e dikujt, kur vlerësonin nëse ai person mund të ishte një mik i mundshëm.
Tani shpresojmë që të keni ndonjë ide nëse dilni me dikë, për të kuptuar nëse do të jetë miqësi apo lidhje!
Burimi: Teen Vogue
