Keni parë ndonjë mashkull me një thua të lyer me manikyr? Mos u habisni, sepse ky trend ka një histori që fshihet pas tij.
E gjitha nisi kur Elliot Costello, vullnetar në vendet e varfra të botës, njohu një vajzë të vogël kamboxhiane me emrin Thea. Teksa kujdesej për të, ata bënin gjërat që i pëlqenin asaj dhe ndër të preferuarat ishte lyerja e thonjve me manikyr.
Më tej ai zbuloi historinë e dhimbshme të Thea-s, ajo ishte abuzuar vazhdimisht nga burra që kur ishte më e vogël. Kështu, Elliot i premtoi se do të mbante përgjithmonë një thua të lyer me manikyr si një mënyrë simbolike përkujtimi të vuajtjes së saj.
Më tej ai u frymëzua për të nisur projektin “Burri me manikyr”, një nismë ndërgjegjësimi për fëmijët e përdhunuar. Pjesë e këtij projekti janë bërë shumë meshkuj, të cilët të prekur nga historia kanë vendosur që të mbështetin rastin në fjalë me një foto të tyren duke theksuar gishtin e lyer me manikyr. Nëse edhe ju dëshironi që të bëheni pjesë e kësaj iniciative, mos harroni të bëni hashtag fjalën #polishedman.
Burimi: David Wolfe
