Emri i moderatores Jona Spahiu është ndër më të njohurit e të komentuarit në media e rrjete sociale.
Ajo përpiqet të qëndrojë sa më aktive në llogarinë e saj në Instagram dhe të komunikojë sa më shumë me ndjekësit.
Përveç postimeve nga përditshmëria, moderatorja i përgjigjet shpesh edhe pyetjeve kurioze të ndjekësve në InstaStory.
Pak orë më parë, Jona ka zhvilluar një mini-intervistë ku përgjigjet e saj ishin foto, sipas trendit të momentit në Instagram.
Dikush i ka kërkuar moderatores t’i tregojë një foto me motrën e saj, ndërsa ajo zgjodhi një foto nga fëmijëria.
Në foton e publikuar me motrën nga fëmijëria, Jona shfaqet e veshur me bluze rozë, pantallona të bardha dhe dy bishtaleca.
Nëse s’do t’ju kishim treguar cila ishte, do ta kishit njohur moderatoren?
Vetëm pak ditë më parë, Jona ndau në InstaStory edhe një shënim të shkëputur nga ditari i saj, i cili na kënaqi të gjithëve.
Një mikeshë e saj i ka dërguar një foto shkëputur nga ditari i saj, në të cilin Jona i ka lënë një shënim kur ka qenë në klasë të gjashtë. Fleta e ditarit duket se ka kthyer moderatoren pas në vite dhe e ka bërë për të qeshur me fjalët që ajo vetë ka shkruar.
“Le të mundohemi që ‘egon profesionale’ mos ta kemi kudo. Mundohu që të ndreqësh gabimet e tua ashtu siç do të bëj dhe unë”, ka shkruar Jona për shoqen e saj në klasë të gjashtë.
Këto fjali e kanë bërë për të qeshur dhe të kuptojë se ka pasur qëllime të larta për jetën e saj që në fëmijëri.
“Që në klasë të gjashtë me ‘ego profesionale’. Kjo vajzë do të shkojë lart”, ka shkruar Jona shoqëruar me disa emoji duke qeshur me lot.
