Në shkurt të 2019 Vodafone prezantoi me bujë të madhe një aplikacion të quajtur ‘JUTH’.
Asokohe të gjithë u dyndën në koncertin, i cili premtonte një surprizë të madhe që ishte pikërisht ky aplikacion që sot, pas mëse një vit rezulton të jetë një fasadë që vjedh kohë dhe mbi të gjitha lekë.
Së pari, përdoruesit ankohen se pasi e shkarkojnë nga ‘App store’ apo ‘Play store’ në telefonin e tyre, në momentin që tentojnë të marrin shërbimet që ai supozohet të ofrojë, hasin në një ngrirje të sistemit.
Ndonëse ju premtohet shpejtësi dhe fleksibilitet, në realitet ndodh e kundërta.
Në videon e mëposhtme është një rast i thjesht, kur një përdorues i Vodafone, ilustron se si ky aplikacion kaq shumë i reklamuar nuk funksionon.
Rasti i dytë është edhe më flagrant, pasi duke përdorur një lojë të quajtur “Pupthi” kjo kompani telefonike vjedh klientët e saj.
Si ndodh kjo?
Klientëve u premtohen MB në rast se luajnë këtë lojë. Mirëpo, ajo që ndodh është se në momentin kur ti mbledh 500 MB, për aktivizimin e tyre Vodafone të merr në këmbim 50 lekë të reja.
Ata persona që kanë në llogarinë e tyre 0 lekë, nuk mund ta shtojnë kreditin me 50 lekë, pasi vlera minimale që mund të shtosh është 200 lekë. Kështu, kjo lojë përdoret si ‘karrem’ që ju të shtoni para në telefonin tuaj.
Por, nuk mbaron me kaq. Në momentin kur ju i keni konsumuar 500 MB, nuk ju vjen asnjë mesazh në celular. Kjo ndodh për arsye e thjesht: konsumimi i Internetit do i faturohet llogarisë suaj.
Pra, e thënë më thjesht, përdoruesit vijojnë të përdorin Internetin sepse nuk janë në dijeni që MB kanë mbaruar dhe në këtë moment, u mbahen paratë nga gjendja e llogarisë në kartë.
Voila! E gjitha nis nga fillimi. Pas kësaj, klientët e kësaj kompanie telefonike detyrohen të shtojnë sërish llogarinë në kartë.
Një denoncim i ri ka ardhur së fundmi në redaksinë e “iconstyle.al”, lidhur me këtë aplikacion. Pjesë e tij është edhe një lojë ku fitohen “coins”(monedha) dhe me mbledhjen e tyre mund të marrësh GB të ndryshme.
Në parim po! Por, çfarë ndodh në realitet? Në denoncimin e qytetarit, thuhet se ndonëse ka dy javë që luan me të, numri i coins-ave ka ngrirë dhe nuk pëson asnjë rritje.
Siç mund ta shihni në fotografinë e mëposhtme, kjo shifër vijon qëndron e pandryshueshme, pavarërisht lojërave që personi në fjalë luan.
“Përfito një dhuratë, duke paguar me lekët e tua!”
Dy ditë më parë, ju treguam se mashtrime ndodhin edhe me aplikacionin “My vodafone”, konkretisht në opsionin “Shake” që aq shumë reklamohet nga vetë kompania.
Ky opsion supozohet të ofrojë kupone të ndryshme për abonentët, falë ‘shake’ (tundjes së telefonit) ose “V-Coins” që përfitohen nga aktivizimi i paketave.
Mirëpo, së fundmi duket se edhe ky opsion po kthehet në një fasadë dhe nuk ofron asgjë pa paguar. Për ta ilustruar më mirë këtë që po themi mjafton ky shembull, ku abonenti nga “Shake” fitoi 2 GB, të cilat për t’i aktivizuar do i duhet të ketë në celular 50 lekë. Që në këtë moment bie poshtë miti “Shake”.
Vodafone ka menduar edhe për rastet kur nuk keni kredit, pasi të kërkon që të marrësh hua 150 lekë. Kështu, kjo lojë përdoret si ‘karrem’ që ju të shtoni para në telefonin tuaj.
Bli telefon te Vodafone dhe paguaj më shumë se kudo
Ju paralajmëruam pak javë më parë se nëse po kërkoni të blini një telefon të ri dhe hasni në këtë reklamë nga Vodafone, mos e blini sepse jo vetëm që nuk përfitoni asgjë, po përkundrazi po paguani më shumë.
“Iphone 11 Pro (64 GB)” shitet nga kjo kompani telefonike me një çmim prej 138,900 lekësh dhe ‘si dhuratë’ ju ofrohen 120 GB.
Mirëpo, nëse ju hedhim një sy listës së çmimeve nga “Apple” vëmë re se ky celular kushton 999 euro, ose 122,877 lekë (me kursin e këmbimit të ditës së sotme).
Sakaq, nëse do e krahasonim me çmimet e tjera të tregut sërish do vinim re një abuzim, pasi ato varijojnë, si më poshtë:
Po ashtu, Vodafone në Shqipëri e shet këtë produkt më shtrenjtë se Vodafone në dy vendet fqinje, Itali dhe Greqi:
Pra, jo vetëm që nuk do merrnit një telefon të ri me ofertë, por përkundrazi, do paguanit më shumë se kudo.
Një tjetër shembull që nxjerr në pah ofertën “Bli dy, paguaj tre” është pikërisht bashkëpunimi i Vodafone me Union Bank, dhe pretendimi se klientët e Vodafone përfitojnë një normë interesi prej 8.9% për kreditë konsumatore.
Na vjen keq t’ju themi por fakti nëse jeni apo jo klient i Vodafone nuk përbën ndonjë ndryshim, pasi norma e interesit për këto kredi është 8.9% për të gjithë.
Madje në banka të tjera mund ta gjeni edhe më lirë
