Ngjyrat neon janë përsëri në modë dhe sigurisht: është thuajse verë kështu që ngjyrë e duhur, është ajo që bie më tepër në sy.
Njësoj, këtë sezon janë rikthyer edhe ngjyrat pastel, sepse asgjë nuk krahasohet me reflekset më të lehta të ngjyrave bazike si jeshilja, e verdha, bojëqielli apo roza.
Është pikërisht efekti estetik që arrihet përmes kombinimit të këtyre ngjyrave, sekreti i vajzave të njohura të Instagram-it shqiptar kur vjen puna për të pozuar bashkë.
Kiara Tito dhe Liesa Haxhiasllani, e treguan më së miri rëndësinë që ka kombinimi i ngjyrave kur del në foto me mikeshën e ngushtë.
Së fundi, Arbenita Ismajli postoi në Instagram një video me dy mikeshat e saj modele, ku përsëri bie në sy kombinimi i veshjeve të tyre njëra me rozë, tjetra portokalli si edhe në ngjyrë të bardhë.
Dhe sigurisht, një kombinim që nuk e humbet kurrë vlerën janë ngjyrat nude me ato të ndezurat, si gurkali: si Lori Hoxha me mikeshën e saj Sonela Lamaj.
Të kombinuara për të mos kaluar pa u vënë re ishin edhe Jonida Maliqi dhe Jona Hadëri.
Nëse ende s’jeni bindur se duhet të bini dakord për veshjen para se të bëni foto apo të dilni me shoqet tuaja më të ngushta, videoja e re e Taylor Swift-it, “Me!”, është një manifestim i miqësisë që tregohet përmes kombinimit të ngjyrave.
