Getinjo ka gati një dekadë që është pjesë e industrisë muzikore dhe thuajse çdo këngë e tij është kthyer në hit. Reperi ka nisur karrierën në një moshë shumë të re, kur hip hopi ishte në fazat e para në Shqipëri. Megjithatë një pjesë e madhe e njerëzve nuk e mbajnë mend Getinjon në hapat e parë të muzikës, ndaj ai ua ka kujtuar të gjithëve përmes disa postimeve në rrjete sociale.
Getinjo ka publikuar një freestyle që ka bërë në vitin 2011, kur ai nuk kishte marrë ende famën që ka sot. Reperi duket shumë ndryshe nga sot, pa tatuazhet që ka në fytyrë, por talenti i tij ka qenë i dukshëm që në atë kohë.
Më pas ai ka publikuar këngën “Ajo”, që është publikuar në po të njëjtin vit dhe që ka arritur 2 milionë shikime në “Youtube”, edhe pse Getinjo nuk e ka shpërndarë në asnjë platformë për promovim.
“2 milionë domethënë s’kam pas as Instagram në këtë kohë. Messenger e kam shpërndarë këngën”, ka shkruar Getinjo përkrah videos.
Reperi ka zbuluar se llogarinë e tij në Instagram e ka hapur shumë vonë, në vitin 2014.
“Fakt: 2014 sa e pata hap Instagramin hehe”, ka shkruar Getinjo.
Kujtojmë se ditën e djeshme Getinjo pati një përplasje virtuale me ndjekëse, që u shpreh se ai e ka marrë famën nga Mozzik.
“Ekstrem more porsnjak ti, deri dje m*** në b*** s’ke pas ta ka ngrit famën Mozzik e tash ke met ti me ul njerëzit poshtë. Turp me të ardh, prej fansave e ke arritur këtë famë e ti u bone me ul fansat. Deri dje muzika të lodhta ke kënduar shtatzënija ajo kjo e tash u bone ti me i ul njerëzit që deri dje ti kon në atë pozitë”, i shkroi ndjekësja reperit.
Këtë mesazh ai e ndau me të tjerët në Instagram dhe gjithë situatën e kaloi me shumë pozitivitet. Megjithatë reperi nuk i ka kursyer disa thumba në përgjigjen e tij për ndjekësen.
“Hahahah çfarë njerëz ka. Mushnu mend… alfabet për çdo analfabet”, shkroi Getinjo në vijim.
