Ka shumë diferencë mes të gjeturit e dashurisë dhe të gjeturit e një dashurie që zgjat për të gjithë jetën.
Ndoshta nuk është martesa që e bën një dashuri të zgjasë.
Ndoshta janë njerëzit, jeta, aftësia jonë për ta menaxhuar, përkushtimi që dy njerëz kanë.
Ndoshta ti je vajza që shpreson të gjesh dashurinë e përjetshme, por nuk bën çfarë duhet që kjo të ndodhë. Lejon që jeta të të tërheqë zvarrë dhe shpreson që gjithçka të ndodhë pa bërë asgjë ti. Nuk ka asgjë të gabuar të presësh që dashuria të vijë papritur. E rëndësishme është të lesh gjithmonë një dritare hapur, në mënyrë që dashuria e jetës të ketë mundësi të jetë me ty.
Ndoshta ti je vajza që mendon se dashuria është më e rëndësishme se një diamant. Nuk ke nevojë për bizhuteri të çmuara që t’i qëndrosh besnike mashkullit tënd, nuk ke nevojë për një fustan të bardhë, një tortë gjigande dhe qindra të ftuar. Do vetëm dikë me të cilin të ndash momentet e bukura dhe të shëmtuara të jetës tënde dhe mendon se nuk ke nevojë të martohesh që këto të ndodhin.
Ndoshta je vajza që je lënduar shumë herë dhe mendon se nuk do ta gjesh kurrë dashurinë e jetës. Tenton të jesh shumë optimiste dhe izolon pesimizmin tënd në mënyrë që askush të mos e shohë, por ti e di që ekziston. Si mund te mendosh e rimendosh për martesë kur nuk arrin të gjesh dikë që të të dojë më gjatë se disa muaj? Kur e mendon kështu provon të bindesh veten që dashuria është diçka për të cilën nuk ke nevojë për të qenë mirë, një gjë e pamundur.
Ndoshta je vajza që ka patur fatin të shohë një sërë martesash që funksionojnë. Martesa plot me dashuri, me atë dashuri për të cilën të gjithë në fund të fundit kemi nevojë. Ajo dashuri që nuk është perfekte, por duket që është dashuri. E duke parë shumë martesa që funksionojnë të duket se diçka e tillë nuk vlen për ty. E ndoshta nuk di përse, e as duhet, por thjesht kështu e ndjen.
Ndoshta je vajza që ka parë shumë martesa që kanë dështuar. Ndoshta ato dështime kanë krijuar një farë frike tek ty, që të bën të largohesh nga çfarëdolloj marrëdhënieje. Ndoshta mendon se martesa është varri i dashurisë. Ndoshta ende nuk ke njohur një person me të cilin të dëshirosh të kalosh të gjithë jetën tënde. E ndoshta në momentin që do ta gjesh do të kuptosh që e vetmja gjë që kishe nevojë që kjo të ndodhte ishte koha.
Ndoshta je vajza që nuk ëndërron të martohet, që nuk e sheh martesën si një aspiratë, por thjesht shpreson të gjesh dikë me të cilin të jesh e qetë dhe lumtur, për të gjithë jetën.
Burimi: Donne.co
