I ftuar sot në “Kurthin e Piter Pan” ka qenë gazetari i njohur Marin Mema.
Përpos përgjigjeve që ai i dha pyetjeve kureshtare të fëmijëve, Marini nuk nguronte të jepte herë pas here mesazhe të forta dhe të drejta për të gjithë shqiptarët që janë larguar apo kanë ndërmend të largohen nga vendi për 1001 arsye.
“Do doja shumë që të gjithë të rinjtë shqiptarë të qendrojnë këtu, të rrinë të bashkuar. Ky është vendi ynë dhe duhet ta duam më shumë”, tha Marini.
Gazetari i njohur theksoi se vetë nuk do të largohej kurrë nga Shqipëria dhe madje do të bënte gjithçka që ky vend të bëhet gjithnjë e më i mirë.
“I ftoj shqiptarët të mendojnë më shumë për vendin e tyre, për fëmijët, t’i japim më shumë mundësi dhe t’i ndërtojmë një të ardhme shumë më të mirë. Është koha të qendrojmë këtu për të luftuar për fëmijët tanë”, u shpreh Marini përmes brohoritjeve të publikut.
Burimi: Emisioni “Në Kurthin e Piter Pan”
