Në korrik të këtij viti, këngëtarja shumë e dashur për publikun shqiptar, Olta Boka, u bë nënë për herë të parë.
Ajo solli në jetë vogëlushen që e pagëzoi me emrin Gaia dhe nuk priti gjatë të niste pushimet pas lindjes së bebushes.
https://www.instagram.com/p/CCq0cE8FQPV/
Së bashku me partnerin, Ivi Rrokaj dhe të voglën e tyre, ajo u nis drejt plazhit ku shijoi e relaksuar ditët e para të mëmësisë.
Mirëpo, të qenurit nënë është një “profesion i vështirë”, ndaj Oltës i është dashur të kujdeset gjatë gjithë kohës për të voglën e saj.
Madje, aq shumë i është përkushtuar Gaias sa vetëm tani që pushimet përfunduan, u kujtua se s’ka bërë asnjë ditë plazh megjithëse ka qenë gjatë gjithë kohës në det.
Pasi ka ndarë një video të bebushes teksa fle paqësisht në shtëpi, në story-n tjetër Olta ndan me ndjekësit mallin për detin.
Ajo tregon se s’ka marrë fare ngjyrë dhe nëse e rastisni Oltën rrugëve të Tiranës, mos i thoni kurrë sa e bardhë është, sepse prekni në plagë!
“Kur kthehesh nga pushimet të mungon shumë deti, por kupton që ke kaluar shumë ditë në plazh pa asnjë ditë plazh. P.s: Nëse më hasni në Tiranë më e bardhë seç isha, mos më thoni gjë, se vini gishtin në plagë.”- shkruan këngëtarja me humor.
Kësaj here është më shumë se e justifikuar!
