Amanda Holden, aktorja e njohur ka treguar së fundmi se ka qenë e detyruar që të vidhte ushqime kur ishte fëmijë, pasi familja nuk kishte mjaftueshëm para për të mbijetuar.
Duke folur në podcastin e Alan Carrit “Life’s Beach”, anëtarja e jurisë së emisionit “Britain’s Got Talent” ka rikujtuar kohën kur nëna e saj u kishte thënë asaj dhe motrës që të mos hanin mëngjes pasi nuk kishin mjaftueshëm para.
“I shpenzonim të gjitha paratë në pushime dhe nëna na tha se nuk mund të hanim për mëngjes qumësht dhe tërshërë. Dhe më tha: ‘Amanda, nëse do të hash mëngjes, duhet ta vjedhësh”’, tha ajo.
“Nëna ime do të më vrasë që tregova për këtë gjë”, shtoi më pas aktorja me shaka.
Gjatë kësaj bisede, Amanda gjithashtu shprehu zemërimin për të paguar 2,500 £ për testet Covid për të mbuluar familjen e saj kur ata bënë një udhëtim në Portugali në fillim të këtij viti.
“Kurrë më nuk po paguaj një lloj parash. Duhet të bëhet një lloj hetimi për këtë”, u shpreh ajo.
Personaliteti televiziv shtoi se është me fat se mundi që t’i përballonte ato, por sidoqoftë, ajo tha se britanikë të tjerë, të cilët nuk janë aq me fat.
